गृहमन्त्री गुरुङ अचानक विराटनगरमा

विराटनगर । गृहमन्त्री सुदन गुरुङ सिमा क्षेत्रको सुरक्षा अवस्था र छड्के अनुगमनका लागि शनिबार अचानक विराटनगर आइपुगेका छन् । बुद्ध एयरको जहाजबाट शनिबार बिहान ११,०७ बजे मन्त्री गुरुङ कुनै पनि औपचारिक कार्यक्रमविनौ पर्यटकको भेषमा विराटनगर विमानस्थलमा ओर्लिएका हुन्।

गृहमन्त्री काठमाडौंबाट अचानक विराटनगरतर्फ उडेको सूचना पाएपछि स्थानीय सुरक्षा निकायका उच्च अधिकारीहरू हतारहतार स्वागत तथा सुरक्षा व्यवस्थापनका लागि विमानस्थल पुगेका थिए। मन्त्री गुरुङ आउने पूर्वसूचना नहुँदा सुरक्षा संयन्त्रभित्र केही बेर खैलाबैला मच्चिएको थियो।

मोरङका प्रमुख जिल्ला अधिकारी सिडिओ युवराज कट्टेलका अनुसार गृहमन्त्री गुरुङले विराटनगर आइपुगेलगत्तै सबै सुरक्षा निकायका प्रमुखहरूसँग सिमा क्षेत्रको सुरक्षा अवस्था, गस्ती र चुनौतीबारे जानकारी ब्रिफिङ लिइरहेका छन्। ब्रिफिङ सकिएलगत्तै आजै गृहमन्त्री गुरुङले नेपाल(भारत सिमावर्ती जोगवनी नाका र आसपासका सिमा क्षेत्रको प्रत्यक्ष अवलोकन तथा भ्रमण गर्ने कार्यक्रम रहेको छ।

एक्सप्रेस

सम्बन्धित खबर

मुलुकलाई प्रतिगमनतर्फ लैजाने षड्यन्त्रविरुद्ध अघि बढ्यौँ : महासचिव पोखरेल

काठमाडौँ । नेकपा एमालेका महासचिव शंकर पोखरेलले एमाले सरकारबाट बाहिरिए पनि नेपाली जनताको मनमा गहिरो गरि बसेको बताएका छन् । शनिबार भक्तपुरमा शुरू भएको एमालेको ११औँ राष्ट्रिय महाधिवेशन समारोहलाई सम्बोधन गर्दै उनले भदौ २३...