गृहमन्त्री गुरुङ अचानक विराटनगरमा

विराटनगर । गृहमन्त्री सुदन गुरुङ सिमा क्षेत्रको सुरक्षा अवस्था र छड्के अनुगमनका लागि शनिबार अचानक विराटनगर आइपुगेका छन् । बुद्ध एयरको जहाजबाट शनिबार बिहान ११,०७ बजे मन्त्री गुरुङ कुनै पनि औपचारिक कार्यक्रमविनौ पर्यटकको भेषमा विराटनगर विमानस्थलमा ओर्लिएका हुन्।

गृहमन्त्री काठमाडौंबाट अचानक विराटनगरतर्फ उडेको सूचना पाएपछि स्थानीय सुरक्षा निकायका उच्च अधिकारीहरू हतारहतार स्वागत तथा सुरक्षा व्यवस्थापनका लागि विमानस्थल पुगेका थिए। मन्त्री गुरुङ आउने पूर्वसूचना नहुँदा सुरक्षा संयन्त्रभित्र केही बेर खैलाबैला मच्चिएको थियो।

मोरङका प्रमुख जिल्ला अधिकारी सिडिओ युवराज कट्टेलका अनुसार गृहमन्त्री गुरुङले विराटनगर आइपुगेलगत्तै सबै सुरक्षा निकायका प्रमुखहरूसँग सिमा क्षेत्रको सुरक्षा अवस्था, गस्ती र चुनौतीबारे जानकारी ब्रिफिङ लिइरहेका छन्। ब्रिफिङ सकिएलगत्तै आजै गृहमन्त्री गुरुङले नेपाल(भारत सिमावर्ती जोगवनी नाका र आसपासका सिमा क्षेत्रको प्रत्यक्ष अवलोकन तथा भ्रमण गर्ने कार्यक्रम रहेको छ।

एक्सप्रेस

सम्बन्धित खबर

गभर्नर बन्न नपाएका भट्ट राष्ट्रिय योजना आयोगको उपाध्यक्ष

काठमाडौँ । राष्ट्रिय योजना आयोगको उपाध्यक्षमा डा। गुणाकर भट्ट नियुक्त भएका छन् । मंगलबार बसेको मन्त्रिपरिषद् बैठकले आयोगको उपाध्यक्षमा डा। भट्टलाई नियुक्त गरेको हो । गत वर्ष तत्कालीन सरकारले उनलाई राष्ट्र बैंकको गभर्नर बनाउने आश्वासन दिएपछि उनले र...

शान्तिपूर्ण निर्वाचनको वातावरण बनाउनु अहिलेको प्रमुख आवश्यकताः संयोजक दाहाल

काठमाडौँ । नेपाल कम्युनिष्ट पार्टी माओवादी केन्द्रका महाधिवेशन आयोजक समितिका संयोजक पुष्पकमल दाहाल ‘प्रचण्ड’ ले सुरक्षित र शान्तिपूर्ण रूपमा निर्वाचन सम्पन्न हुने वातावरण निर्माण गर्नु अहिलेको प्रमुख आवश्यकता रहेको बताएका छन् । शुभ दीपावली, नेपाल संव...