काठमाण्डौँ । दक्षिण कोरियाका राष्ट्रपति ली जे म्युङले हान सेओङ–सुकलाई प्रधानमन्त्रीमा नियुक्त गरेको राष्ट्रपति प्रवक्ता काङ् यु–जुङले बुधबार घोषणा गरेका छन् । नियुक्ति आगामी जुलाई १ देखि लागू हुने जनाइएको छ। यससँगै हान ली जे म्युङको प्रशासनमा दोस्रो महिला प्रधानमन्त्री, किम मिन–सिओकका उत्तराधिकारी तथा देशको इतिहासमा ५०औँ प्रधानमन्त्री बनेकी छन्।

दक्षिण कोरियाको राष्ट्रिय सभाले हान सेओङ–सुकलाई प्रधानमन्त्रीका रूपमा नियुक्त गर्न गरिएको मतदानमा १६६ मत पक्षमा परेको थियो। सत्तापक्ष र सरकार समर्थक दलका उपस्थित १६७ सदस्यमध्ये एक जनाले विपक्षमा मतदान गरेका थिए। हान यस पदका लागि अयोग्य रहेको तर्क गर्ने मुख्य विपक्षी दल पिपुल पावर पार्टी पीपीपीले बहिष्कार गरे पनि जुन ३० मा पूर्ण अधिवेशनमा मतदान भएको थियो।