बजेटको मुखैमा हरियालीः कारोबार समेत बढ्यो !

काठमाडौँ । बजेटको मुखमा शेयर बजारमा हरियाली देखिन थालेको छ । आगामी बजेटमार्फत शेयर बजारसँग सम्बन्धित केही महत्वपूर्ण विषयहरू सम्बोधन हुने अपेक्षाले लगानीकर्तामा उत्साह थपिएको छ । बजारमा देखिएको पछिल्लो सुधारलाई यही आशासँग जोडेर विश्लेषण गर्न थालिएको छ ।

नयाँ नेतृत्वको सरकारले ल्याउन लागेको बजेटलाई लिएर शेयर लगानीकर्ताले ठूलो अपेक्षा राखेका छन् । अर्थमन्त्री स्वर्णिम वाग्लेले पनि लगानीकर्तालाई बजेटसम्म धैर्य गर्न आग्रह गर्दै आएका छन् । यसले बजारमा नीति सुधार र सहुलियतका सम्भावनाप्रति सकारात्मक सन्देश दिएको देखिन्छ ।

यसैबीच केही प्रभावशाली व्यवसायी तथा बैंकिङ क्षेत्रसँग जोडिएका व्यक्तिहरू पक्राउ परेपछि बजारमा केही समय अनिश्चितता देखिएको थियो । सो घटनाले लगानीकर्ताको मनोबलमा असर पार्दै जोखिम न्यूनीकरणका लागि बिक्री दबाब बढाएको बजार विश्लेषकहरू बताउँछन् । तर पछिल्ला दिनमा सो दबाब क्रमशः कम हुँदै गएको संकेत देखिन थालेको छ ।

चालु आर्थिक वर्षको तेस्रो त्रैमासिक वित्तीय विवरणअनुसार अधिकांश बैंक तथा वित्तीय संस्थाको अवस्था सन्तोषजनक देखिएको छ । ब्याजदर घट्दो क्रममा रहनु, तरलता सहज हुँदै जानु र आर्थिक गतिविधिमा सुधारको संकेतले आगामी दिनमा बजारलाई थप समर्थन गर्न सक्ने अपेक्षा गरिएको छ ।

नेपाल स्टक एक्सचेञ्ज नेप्से २७.८५ अकंले बढेर २७८६.३५ बिन्दुमा कायम भएको छ । आज ३४२ कम्पनीको १ करोड ४५ लाख कित्ता शेयर किनबेच हुँदा ५ अर्ब ९८ करोड ६४ लाख रुपैयाँको कारोबार भएको हो । यसदिन १२ वटा उपसूचकमा सुधार देखिएको छ भने म्युुचुअल फण्ड समूहको शेयर मूल्य मात्रै ओरालो लागेको हो ।

एक्सप्रेस

सम्बन्धित खबर

नेशनल लाईफ इन्स्योरेन्स को १ दिने तालिम सम्पन्न

काठमाण्डौँ । नेशनल लाईफ इन्स्योरेन्स कम्पनीले जारी गरेको मासिक योजना मन्थन २०८२ मा तोकिएको ब्यबसाय गरि छनौट भएका बागमती र मधेश प्रदेशका विभिन्न शाखा कार्यालयमा आबद्ध रही कार्य गर्ने अभिकर्ताहरुलाइ १ दिने तालिम प्रदान गरेको छ ।

कम...

लगातार घटेको नेप्सेमा आज सामान्य अंकको वृद्धि, ३ अर्ब ४४ करोडको कारोबार

काठमाडौँ । साताको दोस्रो कारोबार दिन नेप्से परिसूचक ६.७४ अंकले घटेर २६०१.६१ को विन्दुमा कायम भएको छ । आज दिनभरिमा ३२९ कम्पनीको ७७ लाख ५७ हजार ६२५ कित्ता सेयर किनबेच हुँदा ३ अर्ब ४४ करोड १९ लाखको सेयर कारोबार भएको छ । आ...