केन्द्रीय कार्यालयका घरबेटी तथा रविका विज्ञ सल्लाहकारले त्यागे रास्वपा

काठमाडौँ । राष्ट्रिय स्वतन्त्र पार्टी रास्वपाको अनुशासन आयोगका पूर्वप्रमुख तथा केन्द्रीय कार्यालय रहेको घरधनी डा। भरतमणि देवकोटाले पार्टी त्यागेका छन्। रास्वपाको केन्द्रीय कार्यालय वनस्थलीस्थित चमती–१६ मा डा। देवकोटाको घरमा छ ।

उनी पार्टी कार्यालय रहेको घरका घरधनी हुन् । रास्वपा अनुशासन आयोगका पूर्वप्रमुख समेत रहेका देवकोटा पछिल्लो समय कुनै पनि जिम्मेवारीमा थिएनन् । यसअघि देवकोटाले गत असोजमा तीन महिनाभित्र रास्वपालाई आफ्नो घर खाली गरिदिन आग्रह गरेका थिए । लामो समयसम्मको भाडा नपाएको र सुरक्षाको कारणले घर छोड्न आग्रह गरेको घरधनी देवकोटाको भनाइ थियो ।

देवकोटाले सञ्चारमाध्यमलाई दिएको जानकारी अनुसार तत्कालीन मितिसम्म रास्वपाले १० महिनादेखि घरभाडा तिरेको थिएन । देवकोटाका अनुसार मासिक तीन लाख पचास हजार रुपैयाँमा घरभाडामा सहमति बनेको थियो । देवकोटा पार्टी सभापति रवि लामिछाने दोस्रो पटक गृहमन्त्री हुँदा विज्ञ सल्लाहकार नियुक्त भएका थिए । हाल अमेरिकामा रहेका देवकोटाको स्थानमा रास्वपाले अर्का व्यक्तिलाई अनुशासन आयोगको अध्यक्ष बनाएको छ । स्थापनाकालमा बसुन्धरामा रहेको रास्वपाको कार्यालय त्यहाँ सानो भएको भनी देवकोटाको घर वनस्थलीमा सारिएको थियो ।

एक्सप्रेस

सम्बन्धित खबर

राष्ट्रपति पौडेलद्वारा वैशाख २८ गते संसद् अधिवेशन आह्वान

काठमाडौँ । राष्ट्रपति रामचन्द्र पौडेलले यही वैशाख २८ गतेका लागि सङ्घीय संसद्को दुवै सदनका अधिवेशन आह्वान गरेका छन् । उनले सोमबार दिउँसो २ः०० बजे सङ्घीय संसद् भवन, सिहंदरबारमा बैठक बस्ने गरी दुवै सदनका अधिवेशन आह्वान गर्नुभएको राष्ट्रपतिको का...

पुराना अनुहारले कांग्रेस संकटमा, नयाँ नेतृत्व अपरिहार्य : उमेश श्रेष्ठ

विराटनगर । नेपाली कांग्रेसका कोषाध्यक्ष उमेश श्रेष्ठले कांग्रेसभित्र अब पूरानो शैली र अनुहारभन्दा नयाँ, पढेलेखेका, उद्यमशील र विषयविज्ञ युवालाई नेतृत्वमा ल्याउनुपर्ने आवश्यकता औंल्याएका छन् । ने...