जेनजी आन्दोलन प्रतिवेदन: २३ गतेको गोलीकाण्डमा सुरक्षा संयन्त्र कठघरामा, २४ गतेको घटनामा आयोग मौनजस्तै

काठमाडौँ । भदौ २३ र २४ मा भएको जेनजी आन्दोलनको छानबिन गर्न बनेको गौरि बहादुर कार्की नेतृत्वको आयोगको प्रतिवेदन मुख्यतः भदौ २३ मा नयाँबानेश्वर क्षेत्रमा भएको झडप र गोलीकाण्डतिरै केन्द्रित देखिएको छ। आइतबार प्रधानमन्त्री सुशिला कार्कीलाई बुझाइएको प्रतिवेदनमा सो दिनको सुरक्षा रणनीति, प्रहरी परिचालन र गोली चल्ने अवस्थासम्मका घटनाक्रम विस्तारमा उल्लेख गरिएको स्रोतले जनाएको छ।

प्रतिवेदनमा प्रदर्शन नियन्त्रणका क्रममा सुरक्षा संयन्त्रले सामान्य सावधानीसमेत नअपनाएको निष्कर्ष निकालिएको बताइएको छ। प्रदर्शनकारी संसद् परिसर पुगेर तोडफोड गर्न थालेपछि भिड नियन्त्रणका अन्य उपाय खोज्नुको सट्टा सिधै गोली प्रहार भएको भन्दै त्यसलाई गम्भीर सुरक्षा चुकका रूपमा औंल्याइएको छ। यस क्रममा तत्कालीन प्रधानमन्त्री केपि ओली, तत्कालीन गृहमन्त्री रमेश लेखक लगायत केन्द्रीय तथा जिल्ला सुरक्षा संरचनामा रहेका पदाधिकारीहरूको भूमिकामाथि प्रश्न उठाइएको छ, यद्यपि राजनीतिक जिम्मेवारीबारे प्रतिवेदनमा स्पष्ट प्रमाणभन्दा व्याख्यात्मक टिप्पणी बढी रहेको बताइएको छ ।

उता भदौ २४ मा राजधानीका विभिन्न स्थानमा भएका आगजनी, तोडफोड, लुटपाट तथा जेलब्रेकजस्ता घटनाबारे भने प्रतिवेदन अपेक्षाकृत अस्पष्ट रहेको स्रोतको दाबी छ। ती घटनामा के कारणले अवस्था भड्कियो, योजनाबद्ध थियो कि आकस्मिक भन्ने विषयमा आयोगले ठोस निष्कर्ष निकाल्न सकेको छैन र केही विषयमा थप अनुसन्धान आवश्यक रहेको संकेत मात्रै गरेको बताइएको छ।

एक्सप्रेस

सम्बन्धित खबर

भक्तपुर–१ बाट रुकेश रन्जित विजयी, प्रेम सुवाल पराजित

काठमाडौँ । राष्ट्रिय स्वतन्त्र पार्टी रास्वपाका रुकेश रन्जित भक्तपुर निर्वाचन क्षेत्र नम्बर–१ बाट प्रतिनिधि सभा सदस्यमा विजयी भएका छन् । अन्तिम मतपरिणाम अनुसार उनले ३३,४३६ मत प्राप्त गरेका छन्। उनका निकटतम प्रतिस्पर्धी नेपाल मजदुर किसान पार्टी नेक...

मन्त्रिपरिषद् बैठकका पछिल्ला निर्णय सार्वजनिक

काठमाडौँ । प्रधानमन्त्री तथा मन्त्रिपरिषद्को कार्यालयमा कात्तिक १७ गते बसेको मन्त्रिपरिषद्को बैठकले गरेका निर्णयहरु सार्वजनिक भएका छन् ।सरकारका प्रवक्ता, एवम् सूचना, प्रविधि तथा सञ्चारमन्त्री जगदीश खरेलले मन्त्रिपरिषद्...

महाधिवेशन प्रतिनिधि छनौटको विषयमा एमाले नेताबीच कुटाकुट

सुनसरी । नेकपा एमाले सुनसरी क्षेत्र नम्बर–१ मा महाधिवेशन प्रतिनिधि छनौटको विषयलाई लिएर नेताहरूबीच कुटाकुट भएको छ । पूर्वमुख्यमन्त्री भीम आचार्यका निजी सचिव तथा एमाले सुनसरीका जिल्ला कमिटी सदस्य अनिल राजधाम...