गंगा दाहालले राजीनामा दिँदै भनिन् : प्रचण्ड, पार्टी र आन्दोलनको हित होस्

काठमाडौँ । नेकपा माओवादी केन्द्र महाधिवेशन आयोजक समितिका संयोजक पुष्पकमल दाहाल ‘प्रचण्ड’को सचिवालयमा कार्यरत गंगा दाहालले राजीनामा दिएकी छन् । प्रचण्डकी छोरीसमेत रहेकी गंगाले सोमबार बिहान सामाजिक सञ्जालमार्फत राजीनामाको जानकारी सार्वजनिक गर्दै पछिल्लो समय आफूमाथि भइरहेको कुप्रचार, भ्रामक समाचार र नियोजित आक्रमणप्रति गम्भीर असन्तुष्टि पनि जनाएकी छन् ।

प्रकाश दाहालको निधनपछि गंगा दाहालले सचिवालयको जिम्मेवारी सम्हाल्दै आएकी थिइन् । पछिल्लो समयमा आफूलाई प्रयोग गरेर प्रचण्ड र माओवादी केन्द्रविरुद्ध योजनाबद्ध रूपमा आक्रमण भइरहेको भन्दै उनले राजीनामा दिएको स्पष्ट पारिन् । ‘मलाई देखाएर माओवादी केन्द्रका संयोजक प्रचण्ड र पार्टीविरुद्ध योजनाबद्ध प्रहार भइरहेका कारण यस्तो अवस्थामा सचिवालयको जिम्मेवारीबाट बाहिरिनु नै बुवा, पार्टी र आन्दोलनको हितमा हुनेछ भन्ने निष्कर्षमा पुगेकी छु,’ गंगाले लेखेकी छन् ।

सचिवालयबाट बाहिरिए पनि आजीवन पार्टीमा क्रियाशील रहने प्रतिबद्धता जनाउँदै उनले पार्टीका नेता, कार्यकर्ता र आम जनसमुदायबाट प्राप्त साथ र समर्थनप्रति आभार व्यक्त गरेकी छन् ।

एक्सप्रेस

सम्बन्धित खबर

सर्वोच्चद्वारा भूमि आयोग खारेज गर्ने सरकारको निर्णय बदर

काठमाडौँ । सर्वोच्च अदालतले भूमि आयोग र यसका जिल्ला कार्यालय खारेजी गर्ने सरकारको निर्णय बदर गरेको छ । सोमबार सर्वोच्चका न्यायाधीशद्वय सारंगा सुवेदी र श्रीकान्त पौडेलको संयुक्त इजलासले निर्णय विरूद्धको निवेदनमा रिट जार...

म सबै छानबिनका लागि तयार छु : प्रचण्ड

काठमाण्डौँ । नेपाली कम्युनिस्ट पार्टीका संयोजक एवं पूर्वप्रधानमन्त्री पुष्पकमल दाहाल ‘प्रचण्ड’ले आफू कुनै पनि प्रकारको छानबिनका लागि तयार रहेको बताएका छन् । शनिबार पेरिसडाँडास्थित नेकपा केन्द्रीय कार्यालयमा सञ्चारकर्मीसँग संक्षिप्त कुराकानी...