२०५६ पछि पहिलोपटक निर्वाचन सुरक्षाको फ्रन्टलाइनमा सेना, अहिल्यैदेखि फिल्डमा निकालिँदै

काठमाडौँ । निर्वाचन लक्षित गरेको सरकारले यसपटक नेपाली सेनालाई सुरक्षा मोर्चाको अग्र भागमा सार्ने भएको छ । केन्द्रीय सुरक्षा समितिले तयार पारेको सुरक्षा कार्ययोजना अनुसार सेनाको कमाण्डमा तीन वटै सुरक्षा अंग परिचालन हुनेछन् । जसअनुसार यसपटक ब्यालेट बक्स सुरक्षा गर्नेदेखि संकलन गर्नेसम्मको अग्रभागमा सेनाले सुरक्षा दिनेछ । ‘प्रहरी फ्रन्टलाइन अग्र भागमा देखिएपनि सेनाको पूर्ण सहयोग हुनेछ’, गृहमन्त्रलायका एक अधिकारीले भने ।

आइतबार केन्द्रीय सुरक्षा समितिले तयार पारेको योजना अनुसार नेपाली सेनाको योजना मुताबिक सुरक्षाकर्मीहरु परिचालन हुनेछन् । २०७९ मंसिर ४ मा भएको निर्वाचनमा भन्दा यसपटक बढी सुरक्षा चुनौती रहेको निष्कर्ष केन्द्रीय सुरक्षा समितिले निकालेको छ । सुरक्षा समितिको बैठकपछि गृहमन्त्रालयका प्रवक्ता आनन्द काफ्लेले सेना परिचालनको लागि रक्षा मन्त्रालयलाई लेखेर पठाउने बताएका थिए । उनका अनुसार यसपटक सुरुमै सेना परिचालन र सेनाको क्याम्प खडा हुनेछ ।

एक्सप्रेस

सम्बन्धित खबर

क्रान्ति र शान्तिको सुरुआतस्थल रुकुमपूर्वमा जनयुद्ध दिवस मनाउँदै नेकपा

रुकुमपूर्व । नेपाली कम्युनिष्ट पार्टी नेकपाले रुकुमपूर्वमा ३०औं जनयुद्ध दिवस मनाउँदै छ । जनयुद्धको सुरुआत भएको रुकुमपूर्वमा सहिद तथा बेपत्ता परिवार, घाइते, अपांग र रुकुमेलीसँग जनयुद्ध दिवस मनाउन पार्टीका संयो...