निर्वाचनको वातावरण बनिसकेको छ : सञ्चारमन्त्री खरेल

काठमाडौँ । सञ्चार तथा सूचना प्रविधिमन्त्री जगदीश खरेलले आगामी फागुन २१ गतेका लागि घोषित निर्वाचनको वातावरण बनिसकेको बताएका छन् । दक्षिण कोरिया भ्रमणमा रहेका मन्त्री खरेलसँग नेपाल पत्रकार महासंघ, दक्षिण कोरिया शाखाले शुक्रबार गरेको अन्तर्क्रियामा उनले मुलुकमा निर्वाचनको अनुकूल वातावरण तयार भइसकेको दाबी गरे ।

उनका अनुसार निर्वाचनलाई सहज, सुरक्षित र भयरहित बनाउने तयारी अन्तिम चरणमा पुगेको छ । सरकारका प्रवक्तासमेत रहेका खरेलले राजनीतिक दल र सरकारले संयुक्त रूपमा निर्वाचनमैत्री वातावरण निर्माण गर्नुपर्छ भन्दै यो सरकारको प्राथमिकता लोकतान्त्रिक प्रक्रियाको निरन्तरतासँगै सुशासन, भ्रष्टाचार नियन्त्रण र रोजगारी सृजनामा केन्द्रित रहेको बताए ।

विदेशमा रहेका नेपालीले स्थिरता, सुशासन र विकासमा केन्द्रित सरकार चाहने उल्लेख गर्दै मन्त्री खरेलले भने, ुदेश राम्रो बनोस् भन्ने चाहना तपाईँहरू सबैमा छ । पाँच महिनाभित्र केही संरचनात्मक आधार बसाल्ने हाम्रो प्रयास हुनेछ । गलत काम गर्ने छुट यो सरकारलाई छैन।ु

खरेलका अनुसार जेनजी आन्दोलनले उठाएका मुद्दालाई सम्बोधन गर्दै निर्वाचन प्रणाली र शासन संरचना सुधार गर्ने विषयमा सर्वपक्षीय छलफल थालिनेछ । ुनिर्वाचन प्रणाली कम खर्चिलो, पारदर्शी र प्रभावकारी हुनैपर्छ । विदेशमा रहेका नेपालीलाई मतदान अधिकार सुनिश्चित गर्न कानुनी प्रक्रिया अघि बढेको छ । आवश्यक परे अध्यादेशमार्फत पनि व्यवस्था मिलाइनेछ,ु उनले भने ।

एक्सप्रेस

सम्बन्धित खबर

शान्तिपूर्ण निर्वाचनको वातावरण बनाउनु अहिलेको प्रमुख आवश्यकताः संयोजक दाहाल

काठमाडौँ । नेपाल कम्युनिष्ट पार्टी माओवादी केन्द्रका महाधिवेशन आयोजक समितिका संयोजक पुष्पकमल दाहाल ‘प्रचण्ड’ ले सुरक्षित र शान्तिपूर्ण रूपमा निर्वाचन सम्पन्न हुने वातावरण निर्माण गर्नु अहिलेको प्रमुख आवश्यकता रहेको बताएका छन् । शुभ दीपावली, नेपाल संव...