डा. निकोलस भुसाल पक्राउ

काठमाडौँ । विवादित अभिव्यक्ति दिँदै आएका डा। निकोलश भुसाल पक्राउ परेका छन् । प्रधानमन्त्री सुशीला कार्की, पूर्वप्रधानमन्त्री केपी शर्मा ओली र काठमाडौं महानगरपालिकाका मेयर बालेन्द्र साहविरुद्ध विवादित अभिव्यक्ति दिइरहेका भुसाललाई प्रहरीले गोरखाबाट पक्राउ परेका हुन् । गोरखा नगरपालिका–८ स्थित सरस्वती आश्रमबाट उनलाई उपत्यका अपराध अनुसन्धान कार्यालयको टोलीले पक्राउ गरेको हो ।

भुसालमाथि सामाजिक सञ्जालमा अराजक अभिव्यक्ति दिएर हिंसा भड्काउन खोजेको आरोप छ । भुसालले २४ भदौमा पूर्वप्रधानमन्त्री ओली र गृहमन्त्री रमेश लेखकविरुद्ध अराजक अभिव्यक्ति दिँदै घर जलाउने धम्की दिएका थिए । गत शनिबार मात्रै उनले सम्वाद डबलीमा पत्रकार सम्मेलन गर्दै २३ भदौमा जेनजी आन्दोलनमा दमनमा संलग्न ओली र तत्कालीन गृहमन्त्री लेखकलाई हत्यारा भएको आरोप लगाएका थिए। नेतालाई सरकारले कारबाही नगरेमा आफ्नो समूहले घरमै आक्रमण गर्ने उनको धम्की थियो ।

उनले प्रधानमन्त्री कार्कीलाई ‘हुतिहारा’ भएको आरोप लगाएका थिए। यसका साथै भुसालले आफूलाई कारबाही गरेर देखाउन सरकारलाई चुनौती दिँदै आएका थिए ।

एक्सप्रेस

सम्बन्धित खबर

पुराना अनुहारले कांग्रेस संकटमा, नयाँ नेतृत्व अपरिहार्य : उमेश श्रेष्ठ

विराटनगर । नेपाली कांग्रेसका कोषाध्यक्ष उमेश श्रेष्ठले कांग्रेसभित्र अब पूरानो शैली र अनुहारभन्दा नयाँ, पढेलेखेका, उद्यमशील र विषयविज्ञ युवालाई नेतृत्वमा ल्याउनुपर्ने आवश्यकता औंल्याएका छन् । ने...