बिहिबार, ३२ असार २०८३
नेपाली

प्रथम युनिभर्सल अन्तर्राष्ट्रिय कराँते प्रतियोगितामा रुवी भ्यालीलाई अनुशासित अवार्ड, पाँच स्वर्णसहित ऐतिहासिक सफलता

Main News Image

काठमाडौँ । काठमाडौँमा सम्पन्न प्रथम युनिभर्सल अन्तर्राष्ट्रिय कराँते प्रतियोगिता–२०८२ मा धादिङको रुवी भ्याली गाउँपालिकाका खेलाडीहरूले उत्कृष्ट प्रदर्शन गर्दै अनुशासित अवार्ड हात पारेका छन् । पुस ४ देखि ६ गतेसम्म सञ्चालन भएको उक्त प्रतियोगितामा रुवी भ्यालीका खेलाडीहरूले ५ स्वर्ण, ४ रजत र ४ कास्य पदक जित्दै गाउँपालिकाको गौरव बढाएका हुन् ।
प्रतियोगितामा प्रसान्त तामाङ, खुशी तामाङ, सुस्मा रानी घले र विशाल घलेले स्वर्ण पदक जित्न सफल भएका छन् । यसैगरी कृष्ण माया तामाङ, जोशीला तामाङ, रोहन तामाङ र दनेश तामाङले रजत पदक प्राप्त गरेका छन् भने अनुस्का तामाङ, मानभ तामाङ, रन्जना तामाङ र सोहन तामाङले कास्य पदक जितेका छन् ।
रुवी भ्याली गाउँपालिकाका खेलाडीहरूले यसअघि पनि विभिन्न अन्तर्राष्ट्रिय कराँते प्रतियोगितामा स्वर्ण पदक जित्दै आएको उल्लेख गर्दै आयोजकले यसपटक पनि उनीहरूको अनुशासन, खेल भावना र उत्कृष्ट प्रदर्शनको कदरस्वरूप अनुशासित अवार्ड प्रदान गरिएको जनाएको छ ।
प्रतियोगितामा उपस्थित रुवी भ्याली गाउँपालिकाका अध्यक्ष रामसिंह तामाङले खेलाडीहरूको सफलताप्रति खुशी व्यक्त गर्दै, “सीमित स्रोतसाधनका बाबजुद पनि रुवी भ्यालीका खेलाडीहरूले अन्तर्राष्ट्रिय स्तरमा गाउँपालिकाको नाम उजागर गरिरहेका छन् । यो हाम्रो लागि गर्वको विषय हो । खेल क्षेत्रको विकासका लागि गाउँपालिका निरन्तर साथ र सहयोगमा रहने बताए ।”
त्यसैगरी कराँते प्रशिक्षकद्वय सेर्तुङ डोजोका ओम बहादुर तामाङ, लापा डोजोका सन्देश घले र तिप्लिङ डोजोका रोशन घलेको भनाइ अनुसार खेलाडीहरूको मेहनत र अनुशासन नै सफलताको मुख्य आधार भएको बताउँदै, “खेलाडीहरूले निरन्तर अभ्यास, अनुशासन र आत्मविश्वासका साथ प्रतिस्पर्धा गरे । त्यसकै परिणामस्वरूप पाँचवटा स्वर्ण पदकसहित अनुशासित अवार्ड प्राप्त गर्न सफल भएको बताए ।”
प्रतियोगितामा प्राप्त सफलताले रुवी भ्याली गाउँपालिकामा खेलकुदप्रति थप उत्साह बढाएको छ भने स्थानीय तहबाट खेलाडी उत्पादन र प्रोत्साहनमा थप बल पुग्ने अपेक्षा गरिएको छ ।

mediabaaji add

सम्बन्धित खबर

आइसिसी वुमन्स टी-२० विश्वकप : नेपाल लगातार दोस्रो खेलमा पराजित

काठमाडौँ । आइसिसी वुमन्स टी-२० विश्वकप विश्व छनोटमा नेपाल लगातार दोस्रो खेलमा पराजित भएको छ। बिहीबार कीर्तिपुरस्थित त्रिवि मैदानमा भएको खेलमा नेपाललाई नेदरल्यान्ड्सले २ रनको झिनो अन्तरले पराजित गरेको हो।

त्रिवि क्रिकेट रंगशाला खाली गर्न ३५ दिने अल्टिमेटम

काठमाडौँ । त्रिभुवन विश्वविद्यालय त्रिविले आफ्नो स्वामित्वमा रहेको जग्गा फिर्ता लिने प्रक्रिया सुरु गरेसँगै कीर्तिपुरस्थित अन्तर्राष्ट्रिय क्रिकेट मैदानको भविष्य संकटमा परेको छ। त्रिविले आफ्नो हाताभित्र रहेको क्रिकेट रंगशालासहितका संरचना ३५ दिनभित...

एनपीएलको तयारी पूरा, उद्घाटन खेल घरमै बसेर हेर्न क्यानको आग्रह

काठमाडौँ । भोलि मंसिर १ देखि सुरु हुने सिद्धार्थ बैंक नेपाल प्रिमियर लिग एनपीएलको तयारी पूरा भएको छ । एनपीएलको दोस्रो संस्करण र पहिलोबीच दर्शकले फरकपन पाउनेछन् । नेपालमा पहिलोपटक फ्लडलाइटमा खेल हुन लागेको हो । त्रिवि क...

जर्मनीलाई हराउँदै इक्वेडर नकआउट चरणमा प्रवेश

काठमाडौँ । जर्मनीलाई हराउँदै इक्वेडर फिफा विश्वकप फुटबल प्रतियोगिताको नकआउट चरणमा प्रवेश गरेको छ । अमेरिकाको न्युयोर्क न्यु जर्सी स्टेडियममा आज भएको खेलमा जर्मनीलाई २–१ को गोल अन्तरले पराजित गर्दै इक्वेडर नकआउट चरणमा प्रवेश गरेको हो ।

खेलमा...

आइसीसी टी–२० विश्वकपमा लगातार तेस्रो हार व्यहोरेसँगै नेपाली टोली सुपर ८ दौडबाट बाहिरिए

काठमाण्डौँ । भारत र श्रीलंकामा जारी आइसीसी टी–२० विश्वकपमा लगातार तेस्रो हार व्यहोरेसँगै नेपाली राष्ट्रिय क्रिकेट टोली सुपर ८ दौडबाट बाहिरिएको छ।

आइतबार भएको समूह चरणको तेस्रो खेलमा वेस्ट इन्डिजसँग ९ विकेटले पराजित भएपछि नेपाल सुपर ८ दौडबाट...

साफ महिला च्याम्पियनसिपको तयारी पूरा

काठमाण्डौँ । पोखरा रङ्गशालाभित्रको फुटबल रङ्गशालामा भोलिदेखि सुरु हुने दक्षिण एसियाली खेलकुद महासङ्घ साफ यू–१९ महिला च्याम्पियनसिपको सम्पूर्ण तयारी पूरा भएको छ । प्रतियोगिताको उद्घाटन खेल बङ्गलादेश र भुटानका बीच दिउँसो १२ बजे हुनेछ । 

य...