पर्याप्त आयातका बाबजुद बजारमा ग्यास अभाव, उपभोक्ता अझै लाइनमा

काठमाडौँ । पछिल्लो दुई सातामा करिब ३० हजार मेट्रिक टन खाना पकाउने एलपी ग्यास नेपाल भित्रिएको व्यवसायीहरूले दाबी गरेका छन् । उद्योगीहरूका अनुसार अहिले दैनिक औसत १०० भन्दा बढी बुलेट ग्यास आयात भइरहेको छ । तर, बजारमा आपूर्ति पर्याप्त रहेको तथ्यांकले देखाए पनि काठमाडौँ उपत्यकासहित देशका विभिन्न भागमा उपभोक्ता भने अझै ग्यास पाउन लाइन बस्न बाध्य छन् ।

नेपाल आयल निगमको टेकुस्थित पुरानो कार्यालय परिसरमा दिनहुँजसो ग्यास सिलिन्डर साट्न आउने उपभोक्ताको लामो घुइँचो लाग्ने गरेको छ। स्थानीय डिलर र पसलहरूमा ग्यास नपाएपछि उपभोक्ता सास्ती भोग्न बाध्य भएका हुन् ।