निर्वाचनअघि ७२ घण्टा नेपाल–भारत सीमा बन्द गर्ने निर्णय

काठमाडौँ । नेपाल र भारतका सुरक्षा अधिकारीहरूको संयुक्त सीमा समन्वय समितिको बैठकले प्रतिनिधिसभा निर्वाचनभन्दा ७२ घण्टा अघिदेखि भारतसँगको सीमा पूर्ण रूपमा बन्द गर्ने निर्णय गरेको छ । वीरगन्जस्थित एकीकृत सुरक्षा जाँचचौकीमा शनिबार सम्पन्न बैठकमा निर्वाचन अवधिमा हुन सक्ने क्रस–बोर्डर अपराध नियन्त्रणका लागि सतर्कता बढाउने सहमति भएको हो ।

सीमामा मदिराको खरिद–बिक्री तथा सेवन, नक्कली नोटको कारोबार र अन्य अवाञ्छित गतिविधिमाथि निगरानी कडा पार्ने निर्णय पनि बैठकले गरेको छ ।

बैठकमा भारतीय पक्षले पहिलो पटक वीरगन्ज हुँदै भारतको रक्सौल प्रवेश गर्ने सिर्सिया नदीमा देखिएको जलप्रदूषणप्रति चिन्ता व्यक्त गरेको थियो। नेपालबाट भारततर्फ जाने पानी वाटर ट्रिटमेन्ट प्लान्टमार्फत प्रशोधन गरेर मात्र पठाउन आग्रह गरिएको जनाइएको छ । साथै, नेपाल–भारत सीमामा देखिएको अतिक्रमण हटाउन सहयोगको माग पनि भारतीय पक्षले गरेको छ।

एक्सप्रेस

सम्बन्धित खबर

विश्वप्रकाश शर्माले फेरि महामन्त्रीमै उम्मेदवारी दिए

काठमाडौँ । नेपाली कांग्रेसको दोस्रो विशेष महाधिवेशनमा महामन्त्री विश्वप्रकाश शर्माले फेरि पनि महामन्त्री पदकै लागि उम्मेदवारी दर्ता गराएका छन् । उनीसँगै महामन्त्री पदका लागि र प्रदीप पौडेलले पनि उम्मेदवारी दर्ता गराएका छन् ।

अर्का महामन्त्री...

पुराना अनुहारले कांग्रेस संकटमा, नयाँ नेतृत्व अपरिहार्य : उमेश श्रेष्ठ

विराटनगर । नेपाली कांग्रेसका कोषाध्यक्ष उमेश श्रेष्ठले कांग्रेसभित्र अब पूरानो शैली र अनुहारभन्दा नयाँ, पढेलेखेका, उद्यमशील र विषयविज्ञ युवालाई नेतृत्वमा ल्याउनुपर्ने आवश्यकता औंल्याएका छन् । ने...