वीरगञ्ज ।  वीरगञ्जमा जिल्ला प्रशासन कार्यालयले आज बिहान ८ बजेदेखि दिउँसो १ बजेसम्मका लागि कफ्र्यु आदेश थप गरेको छ । यसअघि सोमबार बेलुका ६ बजेदेखि मङ्गलबार बिहानसम्म कफ्र्यु लागू गरिएको थियो। पर्साका प्रमुख जिल्ला अधिकारी भोला दाहालका अनुसार वीरगञ्ज महानगरपालिका क्षेत्रभित्र चार किल्ला तोकेर आवतजावत, सभा, जुलुस तथा प्रदर्शन पूर्ण रूपमा निषेध गरिएको छ। कफ्र्यु बसपार्कदेखि सिर्सियापुल, पावरहाउस चोकदेखि शङ्कराचार्य गेट क्षेत्रसम्म लागू गरिएको छ ।

प्रशासनले कफ्र्यु अवधिमा अत्यावश्यक सेवाका सवारीसाधनबाहेक घर बाहिर ननिस्कन र निस्कनु परे सुरक्षाकर्मीसँग समन्वय गर्न आग्रह गरेको छ।