महोत्तरी । मैथिल परम्पराको विशिष्ट मानिने ‘झुलनोत्सव’ पर्व शनिबारदेखि महोत्तरीसहित सम्पूर्ण मिथिला क्षेत्रमा हर्षोल्लासका साथ सुरु भएको छ । साउन शुक्ल तृतीयाका दिनदेखि सुरु भई साउन पूर्णिमासम्म मनाइने यस पर्वका अवसरमा अहिले मन्दिर तथा वैष्णव मठहरूमा विष्णुलक्ष्मी भक्तिका भजन तथा झुला गीतहरू गुञ्जन थालेका छन् ।

यस पर्वमा हिन्दू परम्पराका आराध्यदेव श्रीविष्णु र भगवती लक्ष्मीका साथै उहाँहरूका अवतार मानिने राम–सीता र राधा–कृष्णका प्रतिमालाई कलात्मक झुलना ९कोक्रा० मा राखेर भक्तिगीतको लयमा हल्लाउने झुलाउने गरिन्छ ।