कांग्रेसभित्र महाधिवेशन बहस : संस्थापन समूह नै विभाजित

काठमाडौँ । नेपाली काँग्रेसका संस्थापन पक्षका नेताहरू नै विभाजित बनेको छ । महाधिवेशन चुनाव अघि कि पछि भन्ने विवाद चर्किएपछि सभापति शेरबहादुर देउवा निकट नेताहरू नै विभाजित बन्न पुगेका हुन् । केन्द्रीय समिति बैठकको अघिल्लो दिन दुवै समूह बेग्ला बेग्लै आन्तरिक छलफलमा जुटेको छ । चुनावपछि महाधिवेशन गर्नुपर्छ भन्ने पक्षमा उभिएका नेताहरू बानेश्वरमा छलफलमा छन् । चुनावअघि नै महाधिवेशन गर्नुपर्ने माग राख्दै कार्यवाहक सभापति पूर्णबहादुर खड्कालाई ध्यानाकर्षण पत्र बुझाउने २५ जना कुपन्डोलमा छलफलमा जुटेका छन्।

महाधिवेशनको मितिबारे पेचिलो बनिरहेको बेलामा बिहीबार दिउँसो २ बजे बस्ने गरी केन्द्रीय समिति बैठक बोलाइएको छ । बैठकअघि इतर पक्षले पनि नियमित महाधिवेशनको सम्भावना टर्दै गएकाले विशेष महाधिवेशनको पक्षमा निर्णय गराउन दबाब बढाइरहेको छ । सिंगापुरबाट फर्किएका सभापति शेरबहादुर देउवा पनि आफूनिकट नेताहरूसँग परामर्शमा छन् । कावा दिएकाले बैठकमा नजाने भए पनि पार्टीका नेताहरूलाई निवासमै बोलाएर देउवा निरन्तर संवादमा छन् ।

एक्सप्रेस

सम्बन्धित खबर

निर्वाचन आउन ७६ दिन बाँकी : जनसंख्याका आधारमा समावेशी प्रतिनिधित्व गराउन कानुनमा संशोधन