लुटिएका हतियार गृहमन्त्रीले लुकाएको कांग्रेस नेताको आरोप

काठमाडौँ । नेपाली कांग्रेसका महासमिति सदस्य एवं युवा नेता भुपेन्द्रजंग शाहीले जेनजी आन्दोलनका क्रममा लुटिएका हतियार गृहमन्त्री ओमप्रकाश अर्यालले नै लुकाएको गम्भीर आरोप लगाएका छन् । गृहमन्त्री अर्यालले लुटिएका हतियार र भागेका कैदी बन्दीहरू प्रयोग नगर्ने भनी राजनीतिक दलहरूबाट प्रतिबद्धता आउनुपर्ने अभिव्यक्ति दिएकोप्रति आपत्ति जनाउँदै शाहीले यस्तो आरोप लगाएका हुन् । उनले गृहमन्त्री अर्याललाई अफवाह फैलाउने र सत्ता लम्ब्याउन राजनीतिक चालबाजी गरिरहेको आरोप पनि लगाए ।

शाहीद्वारा जारी वक्तव्यमा उल्लेख गरिएको छ,जेनजी आन्दोलनका क्रममा अराजक र उग्र अभिव्यक्ति दिँदै युवाहरूलाई भड्काउने, आगजनीमा उक्साउने व्यक्ति नै अहिले गृहमन्त्री हुनु र लुटिएका हतियारका विषयमा राजनीतिक दलहरूले नै जिम्मा लिनुपर्छ भन्ने किसिमको अफवाह फैलाउनु शङ्कास्पद छ। त्यसैले लुटिएका हतियार गृहमन्त्री अर्यालकै निर्देशनमा लुकाइएको हुन सक्ने आशंका उत्पन्न भएको हो।

उनले गृहमन्त्री अर्यालमाथि पटक(पटक अराजक अभिव्यक्ति दिँदै हिंसा भड्काउने, निर्वाचनको वातावरण बिगार्ने र समाजमा उत्तेजना फैलाउने किसिमका गतिविधिमा संलग्न रहेको आरोप समेत लगाएका छन् । शाहीले गृहमन्त्रीजस्तो जिम्मेवार पदमा बसेको व्यक्तिले आधिकारिक जानकारी बिना ‘नेताहरू भागेका छन्’ भन्नेजस्ता भ्रामक अभिव्यक्ति दिनु गम्भीर र आपत्तिजनक भएको टिप्पणी गरेका छन् ।

एक्सप्रेस

सम्बन्धित खबर

सहयोग उठाएर पत्नीको उपचार गर्दै झलनाथ, ओलीले दिएका थिए ३० लाख

काठमाडौँ । नेपाली कम्युनिष्ट पार्टीका नेता एवं पूर्व प्रधानमन्त्री झलनाथ खनालले आफ्नी श्रीमती रविलक्ष्मी चित्रकारको उपचार विभिन्न व्यक्तिहरूले गरेको सहयोगबाट गरिरहेका छन् । भदौ २४ गतेको जेनजी आन्दोलनका क्रममा घरमा आगजन...

शान्तिपूर्ण निर्वाचनको वातावरण बनाउनु अहिलेको प्रमुख आवश्यकताः संयोजक दाहाल

काठमाडौँ । नेपाल कम्युनिष्ट पार्टी माओवादी केन्द्रका महाधिवेशन आयोजक समितिका संयोजक पुष्पकमल दाहाल ‘प्रचण्ड’ ले सुरक्षित र शान्तिपूर्ण रूपमा निर्वाचन सम्पन्न हुने वातावरण निर्माण गर्नु अहिलेको प्रमुख आवश्यकता रहेको बताएका छन् । शुभ दीपावली, नेपाल संव...