काठमाडौँ । प्रतिनिधिसभा निर्वाचन २०८२ अन्तर्गत मतगणना जारी रहँदा काठमाडौंका सबै १० निर्वाचन क्षेत्रमा राष्ट्रिय स्वतन्त्र पार्टी रास्वपाका उम्मेदवारहरूले अग्रता लिएका छन्। प्रारम्भिक मतपरिणामले काठमाडौंमा रास्वपाको पक्षमा उल्लेखनीय लहर देखिएको छ ।

काठमाडौं–१ मा रास्वपाकी रञ्जु दर्शना अग्रस्थानमा छिन्। उनले १० हजार ५८१ मत प्राप्त गर्दा नेपाली कांग्रेसका प्रबल थापा क्षेत्रीले ४ हजार ७३३ मत पाएका छन्। राप्रपाका रवीन्द्र मिश्र २ हजार ७४४ मतसहित तेस्रो स्थानमा छन् ।

काठमाडौं–२ मा रास्वपाका सुनिल केसी ४२४ मतसहित अगाडि छन् भने नेकपा एमालेका मणिराम फुयाल २३६ मतसहित पछ्याइरहेका छन्। नेपाली कांग्रेसका कबिर शर्माले १८९ मत र राप्रपाकी कुन्तिदेवी पोखरेलले ५७ मत पाएका छन्।

काठमाडौं–३ मा रास्वपाका राजुनाथ पाण्डे ४,६४९ मतसहित अग्रस्थानमा छन्। उनलाई उज्यालो नेपाल पार्टीका कुलमान घिसिङ ३,३४१ मतसहित पछ्याइरहेका छन्। नेपाली कांग्रेसका रमेश अर्यालले १,४८१ मत र एमालेका रामेश्वर फुयालले ९४९ मत प्राप्त गरेका छन्।