प्रज्ञा-प्रतिष्ठान सामाजिकशास्त्र वार्षिक सङ्गोष्ठी शोधमूलक लेख/रचना आह्वान
प्राज्ञ चेतनाथ धमला
काठमाडौँ। ‘सबै भाषा सबै ज्ञान, सबैको प्रज्ञा प्रतिष्ठान’ भन्ने मूल सन्देशका साथ नेपाल प्रज्ञा–प्रतिष्ठानले प्राज्ञिक कार्यहरू गर्दै आएको छ । नेपाली समाज बहुभाषिक–बहुसांस्कृतिक, भौगोलिक विविधता तथा बहुलतामा आधारित छ । समयको परिवर्तनसँगै भएका राजजीतिक परिवर्तन र विकास तथा विकसित मुलुकहरूको प्रभावजस्ता कारणले नेपाली समाज परिवर्तन भइरहेको छ । यसैलाई दृष्टिगत गरी सामाजिकशास्त्रका विभिन्न विषयहरूमा नेपाली समाजका बारेमा भएका शोधमूलक कार्यहरूलाई प्रोत्साहन गर्न, शोधकार्यबाट नीति निर्माणमा सहयोग गर्न तथा प्राज्ञिक अनुभवहरू साटासाट गर्नका लागि यस विभागले सामाजिकशास्त्र वार्षिक सङ्गोष्ठी (२०८२) को आयोजना गर्दै छ । यो सङ्गोष्ठीको मुख्य विषय परिवर्तित नेपाली समाजका आयाम हुनेछ । सहायक विषयहरूमा (१) नेपाली समाजमा सामञ्जस्य (२) जलवायु परिवर्तन र नेपाली समुदाय (३) वर्तमान पाठ्यक्रम (विद्यालय) र सिकाइ सक्षमता (४) जेन्जी आन्दोलन पछिको नेपाली राजनीति र समाज (५) पशुअधिकार र नेपाली संस्कार (६) नेपाली समाज र सामाजिक सञ्जाल (७) जनजातीय मौलिक पहिचान ८) नेपालको आर्थिक विकासमा पर्यापर्यटन (९) नेपाली समाजको अन्तरसामुदायिक सम्बन्ध (१०) भूराजनीति र नेपाल (११) जनस्वास्थ्य र समाज (१२) न्यायिक समानता र पहुँच १३) सामाजिक शास्त्रसँग सम्बन्धित विविध विषय रहने छ ।
नेपाल प्रज्ञा-प्रतिष्ठानले शोधमूलक लेख/रचना बुझाउँदा/पठाउँदा पालना गर्नुपर्ने सर्तहरू निम्नअनुसार तोकेको छ :-१.नेपाली भाषामा प्रीति फन्टमा टाइप गरिएको र कम्तीमा ३००० देखि बढीमा ४५०० शब्दको हुनुपर्ने छ ।
२.संरचनामा शीर्षक, लेखसार, शब्दकुञ्जी, परिचयखण्ड/विषय प्रवेश, अध्ययन विधि, मुख्य खण्ड/उपखण्ड, निष्कर्ष र सन्दर्भ सामग्रीहरू समेटिएको हुनुपर्ने छ । ३.लेखकको नाम, ठेगाना, सम्पर्क नं. र ई–मेल अनिवार्य पठाउनुपर्ने छ ।४.सन्दर्भ सामग्री एपीए सात प्रणालीमा हुनुपर्ने छ ।५.अन्यत्र प्रकाशन नभएको हुनुपर्ने छ ।६.शोधकार्यमा आधारित भाषिक शुद्धता भएको हुनुपर्ने छ ।७.सङ्गोष्ठीमा प्रस्तुतिका लागि उत्कृष्ट शोधमूलक लेख/रचना छानिने छ । छानिएका शोधमूलक लेख/रचना विज्ञसमीक्षित गराई नेपाल प्रज्ञा–प्रतिष्ठानको जर्नल ‘समाज अन्वेषण’ मा प्रकाशन गरिने छ ।
८.सङ्गोष्ठीका लागि छानिएका शोधमूलक लेख/रचना नेपाल प्रज्ञा प्रतिष्ठानको जर्नल ‘समाज अन्वेषण’ मा बाहेक अन्यत्र दुई वर्षसम्म छाप्न पाइने छैन । अन्यत्र छाप्नुपरेमा लिखित अनुमति लिनुपर्ने छ ।९.सङ्गोष्ठीमा शोधमूलक लेख/रचना प्रस्तुति गराउने वा नगराउने सर्वाधिकार नेपाल प्रज्ञा–प्रतिष्ठान, सामाजिकशास्त्र विभागमा निहित रहने छ ।१०.शोधमूलक लेख/रचना बुझाउने : वि.सं. २०८३ वैशाख २५ गतेभित्र ।
११.शोधमूलक लेख/रचना स्वीकृत भएको वा नभएको सूचना : वि.सं. २०८३ जेठ ०५ गतेभित्र दिइने छ ।१२.सङ्गोष्ठीका लागि कार्यक्रम तालिकासहित निमन्त्रणा : वि.सं. २०८३ जेठ १० गतेभित्र गरिने छ ।१३.सङ्गोष्ठीमा शोधमूलक लेख/रचना प्रस्तुतिका लागि ‘पावर पोइन्ट’ वि.सं. २०८३ जेठ १३ गतेभित्र बुझाउनेपर्ने छ।
शोधमूलक लेख/रचना इमेल :- rishalkaushila369@gmail.com. ,mukttinatha@gmail.com मा पठाउन सकिने विज्ञप्तिमा उल्लेख गरिएको छ।
एक्सप्रेस
सम्बन्धित खबर
भक्तपुरमा मुक्तक लेखन तथा वाचन कार्यक्रम सम्पन्न !
• दुर्बिन शर्मा 'विवेक'
भक्तपुर ।मुक्तकसागर र प्रोक्सिमा इन्टरनेसनल एकेडेमीको संयुक्त आयोजनामा विद्यार्थीहरूबिच मुक्तक लेखन तथा वाचन प्रतियोगिता कार्यक्रम सम्पन्न भएको छ।
कार्यक्रमको सञ्चालन एकेडेमीका रा...
फिदिम माविमा ‘विद्यालयमा कुलपति’ शृङ्खलाअन्तर्गत अन्तरक्रिया तथा कविगोष्ठी सम्पन्न
पाँचथर ,फिदिम। नेपाल प्रज्ञा-प्रतिष्ठानका कुलपति भूपाल राईको उपस्थितिमा पाँचथर सदरमुकाम फिदिमस्थित फिदिम माध्यमिक विद्यालयमा बिहीबार अन्तरक्रिया तथा कविगोष्ठी सम्पन्न भएको छ।
‘विद्यालयमा कुलपति’ शृङ्खलाअन्तर्गत आयोजित उक्त...
नेपाल प्रज्ञा-प्रतिष्ठानद्वारा प्रज्ञा पुरस्कार-२०८२ घोषण !
काठमाडौँ ,कमलादी।२०८३ वैशाख १०, गते ,बिहीवार।नेपाल प्रज्ञा-प्रतिष्ठानले हरेक वर्ष भाषा,साहित्य ,संस्कृति ,दर्शनशास्त्र र सामाजिकशास्त्र विधाका विभिन्न प्रज्ञा पुरस्कारहरू-२०८२ घोषणा गरेको छ।साथै,यसपटकदेखि प्रज्ञा प्रादेशिक पुरस्कार समेत प्रारम्भ ग...
संघर्ष र साधनाबाट स्थापित गायक बेल बहादुर परियार
काठमाडौँ । रेडियो नेपालबाट पहिलोपटक स्वर दिएको दिनदेखि आजसम्म लोक संगीतको बाटो नछोडेका गायक बेल बहादुर परियारले आफ्नो नयाँ दोहोरी गीत ‘फूल खसिगो, माया बसिगो’ सार्वजनिक गरेका छन् । गए मङ्गलबार बर्दिबासमा आयोजित विमोचन समारोहले उनको निरन्तर साधना र...
‘मदन भण्डारी राष्ट्रिय पुरस्कार–२०८२’ राईलाई प्रदान गरिने
काठमाण्डौँ । मदन भण्डारी फाउण्डेशनले ‘मदन भण्डारी राष्ट्रिय पुरस्कार–२०८२’ लेखक तथा अध्येता रमेश रुछेन राईलाई प्रदान गर्ने निर्णय गरेको छ । राईको अनुसन्धानमूलक कृति ‘श्वेतशार्दूल मदन भण्डारीको जीवन’ लाई यस वर्षको पुरस्कारका लागि छनोट गरिएको फाउण्ड...
सरुभक्त ‘कविता एन्ड द कप’मा गुन्जिए, सरल र जनमुखी कविताको पक्षमा जोड
काठमाडौँ । प्रसिद्ध साहित्यकार तथा बहुआयामिक सर्जक सरुभक्तको प्रमुख आतिथ्यमा ‘कविता एन्ड द कप’ कार्यक्रम सम्पन्न भएको छ । अनामनगरस्थित सिलौटो कटेजमा आयोजित कार्यक्रममा कविता वाचन, साहित्यिक अन्तरक्रिया तथा समकालीन नेपाली कवितामाथि गहन विमर्श गरिएक...



