काठमाडौँ । नेत्रविक्रम चन्द नेतृत्वको नेपाल कम्युनिष्ट पार्टी नेकपाले पूर्वप्रधानन्यायाधीश सुशीला कार्कीको नेतृत्वमा गठन भएको अन्तरिम सरकार खारेज गरी सर्वपक्षीय सरकार गठन गर्न माग गरेको छ । आइतबार पत्रकार सम्मेलनको आयोजना गर्दै नेकपाले हालको सरकारले सबै पक्षलाई समेट्न नसकेको तथा जनमत आन्दोलनको भावना समेत समेट्न असफल भएको उल्लेख गरेको हो ।

पार्टीले आसन्न निर्वाचनमा सहभागी हुने इच्छा रहेको जनाउँदै त्यसका लागि आवश्यक सुरक्षाको वातावरण नहुँदा समस्या भएको बताएको छ ।
नेकपाले भनेको छ, नेकपा चुनावमा भाग लिन चाहन्छ, तर अहिले सुरक्षा छैन । राजनीतिक तहमा उच्चस्तरीय पहल आवश्यक छ । जबरजस्ती चुनाव गराउने हो भने त्यो केवल कठपुतली नचाउने थलो मात्र बन्छ।