स्वदेश आइपुग्यो विपिनको शव : प्रधानमन्त्री पुगिन् विमानस्थल

काठमाडौँ । इजरायलमा हमासको आक्रमणमा परी ज्यान गुमाएका कञ्चनपुरका विपिन जोशीको शव स्वदेश ल्याइएको छ । उनको शव सोमबार केही बेरअघि त्रिभुवन अन्तर्राष्ट्रिय विमानस्थलमा आइपुगेको हो । विपिनप्रति श्रद्धाञ्जली अर्पण गर्न प्रधानमन्त्री, मन्त्रीहरू, परराष्ट्र मन्त्रालयका अधिकारीहरू लगायत उच्चस्तरीय उपस्थिति विमानस्थलमा रहेको थियो। शव आजै कञ्चनपुरको भीमदत्त नगरपालिका स्थित उनको घरमा लगिने र त्यहीँ अन्तिम दाहसंस्कार गरिने पारिवारिक स्रोतले जनाएको छ ।

विपिन जोशी अध्ययनको सिलसिलामा इजरायल गएका थिए । गत २०२३ अक्टोबर ७ मा हमासले इजरायलको किबुत्ज क्षेत्रमा गरेको आक्रमणको क्रममा उनी बन्धक बनिएका थिए । केही समयसम्म उनको अवस्था अज्ञात रहँदा असोज २७ गते इजरायली अधिकारीहरूले उनको मृत्यु भएको पुष्टि गरेका थिए।

इजरायल र हमासबीच भएको युद्ध विराम सम्झौतापछि बन्दी साटासाटको क्रममा हमासले इजरायली पक्षलाई शव हस्तान्तरण गरेको थियो। नेपाल ल्याउनुअघि उनको शवमा इजरायलको खटिभा ८ स्मारक र बेनगुरिएन अन्तर्राष्ट्रिय विमानस्थलमा श्रद्धाञ्जली अर्पण गरिएको थियो ।

एक्सप्रेस

सम्बन्धित खबर

बञ्चरेडाँडाका स्थानियसँग जनाइएका प्रतिबद्धता कार्यान्वयन गर्दै सरकार, फोहोर व्यवस्थापनमा अवरोध नगर्न मन्त्री घिसिङको आग्रह

काठमाडौँ । सरकारले काठमाडौं उपत्यकाको फोहोर बिजर्सन गर्न बञ्चरेडाँडा ल्याण्डफिल्ड साइटका प्रभावित स्थानीय बासिन्दासँग जनाएका प्रतिबद्धता कार्यान्वयन गर्ने भएको छ । केहि समय अघि बञ्चरेडाँडाका स्थानिय वासिन्दाहरुले...