काठमाडौँ । प्रधानमन्त्री सुशीला कार्कीले लोकतान्त्रिक निकासका लागि निर्वाचन एक मात्र विकल्प भएकाले समाजका सबै तह र तप्काबाट सहयोगको अपेक्षा गरेको बताएका छन् । चुनावमा पैसाको खेल हुन नदिन समुदायस्तरबाटै सबै चनाखो हुनुपर्ने उनको भनाइ छ ।

प्रधानमन्त्री कार्कीले विगतका निर्वाचनमा पैसाको धेरै खेल हुने गरे पनि अबका निर्वाचनमा पैसाको खेल अन्त्य गरेर जानुपर्ने बताए । “विगतमा पैसाको खेल भयो भन्ने गुनासो छ । भ्रष्टाचार अन्त्य गर्ने हो भने त्यसको सुरुवात चुनावबाटै हुनु पर्छ । मतदाता पनि यसमा चनाखो बन्नु पर्छ,” प्रधानमन्त्रीको भनाइ थियो ।