चुनाव नजिकिँदै गर्दा शीर्ष नेताको दिल्ली दौड, भेटघाटलाई अर्थपूर्ण रूपमा हेरिँदै

काठमाडौँ । प्रतिनिधिसभा निर्वाचन आउन अब ५८ दिन मात्र बाँकी रहँदा प्रमुख राजनीतिक दलका शीर्ष नेताहरूको नयाँदिल्ली दौड तीव्र बनेको छ । कुनै ठूलो राजनीतिक फेरबदल नभए फागुन २१ मा चुनाव हुने निश्चित देखिएको छ । अघिल्लो साता डा। बाबुराम भट्टराई चारदिने भारत भ्रमण सकेर फर्किएपछि आइतबार नेकपा संयोजक पुष्पकमल दाहाल ‘प्रचण्ड’ दिल्ली पुगेका थिए। प्रचण्डले त्यहाँ भारतीय प्रधानमन्त्री नरेन्द्र मोदीका राष्ट्रिय सुरक्षा सल्लाहकार अजित डोभालसँग एक घन्टा भेटवार्ता गरेको स्रोतको दाबी छ। दुई दिने भ्रमणपछि उनी सोमबार नेपाल फर्किएका छन् ।

प्रचण्ड फर्किएकै दिन नेपाली कांग्रेस नेतृ तथा पूर्वपरराष्ट्रमन्त्री डा। आरजु राणा देउवा पनि नयाँदिल्ली पुगेकी छन् । उनले भारतीय राजनीतिक नेतृत्वसँग विशेष भेटघाट गर्ने कार्यक्रम रहेको बताइएको छ ।

स्रोतका अनुसार भारतीय पक्षले नेपाली नेताहरूलाई चुनावमा सहभागी भएर स्थिर सरकार गठन गर्न सुझाव दिइरहेको छ । निर्वाचन नजिकिँदै जाँदा दलहरूबीच गठबन्धन र ध्रुवीकरणको चर्चा चलिरहेका बेला शीर्ष नेताको दिल्ली दौडलाई अर्थपूर्ण रूपमा हेरिएको छ ।

एक्सप्रेस

सम्बन्धित खबर

रेशम चौधरीको रिटमा पेशी तोकियो

काठमाडौँ । नागरिक उन्मुक्ति पार्टी नेपालका संरक्षक रेशमलाल चौधरीले आफ्नो उम्मेदवारी खारेजीविरुद्ध दर्ता गरेको रिट फेरि पेशी तोकिएको छ । चौधरीको रिट सर्वोच्च अदालतका न्यायाधीशद्वय नहकुल सुवेदी र अब्दुल अजीज मुसलमानको संयुक्त इजलासमा सुनुवाइका लागि...

दमकमा ‘राष्ट्रिय परिवर्तन पार्टी’को औपचारिक घोषण गरिँदै

काठमाडौँ । जेनजी आन्दोलनका घाइते, शहीद परिवार र युवा पुस्ता मिलेर निर्माण भएको ‘राष्ट्रिय परिवर्तन पार्टी’को आज औपचारिक घोषण सभा गरिँदैछ । घोषणा सभा दमकको आदिवासी रङ्गशालामा हुन लागेको राष्ट्रिय परिवर्तन पा...