फिदिम माविमा ‘विद्यालयमा कुलपति’ शृङ्खलाअन्तर्गत अन्तरक्रिया तथा कविगोष्ठी सम्पन्न
पाँचथर ,फिदिम। नेपाल प्रज्ञा-प्रतिष्ठानका कुलपति भूपाल राईको उपस्थितिमा पाँचथर सदरमुकाम फिदिमस्थित फिदिम माध्यमिक विद्यालयमा बिहीबार अन्तरक्रिया तथा कविगोष्ठी सम्पन्न भएको छ।
‘विद्यालयमा कुलपति’ शृङ्खलाअन्तर्गत आयोजित उक्त कार्यक्रममा विद्यार्थीहरूबिच प्रतियोगितात्मक कविता वाचन गराइएको थियो भने आमन्त्रित स्रष्टाहरूले पनि आआफ्ना रचना वाचन गर्नुभएको थियो । सो अवसरमा स्रष्टा सावित्रीदेवी गुरुङद्वारा लिखित ‘जीवनका भोगाइ र चुनौतीहरू’ शीर्षकको पुस्तक कुलपति राईले विमोचन गर्नुभयो।
फिदिम नगरपालिकाका प्रमुख मित्रप्रसाद काफ्ले, नगर उपप्रमुख राधाकृष्ण न्यौपाने, पाँचथरका प्रमुख जिल्ला अधिकारी वासुदेव दाहाल, नेपाल प्रज्ञा–प्रतिष्ठानका पूर्व प्राज्ञसभा सदस्य हरिचन्द्र लावतीलगायतको उपस्थिति रहेको उक्त कार्यक्रमलाई सम्बोधन गर्दै कुलपति राईले ज्ञान निर्माणको पहिलो खुट्किलो विद्यालय भएकाले शिक्षक, अभिभावक र विद्यार्थीलाई लक्षित गर्दै ‘विद्यालयमा कुलपति’ शृङ्खला सञ्चालन गरिँदै आएको बताउनुभयो। प्रज्ञा–प्रतिष्ठानका गतिविधिलाई विकेन्द्रीकरण गर्ने अभियानका क्रममा फिदिम आउँदा पाएको स्वागतबाट आफू प्रभावित भएको उहाँले उल्लेख गर्नुभयो। विद्यार्थीलाई समाज, साहित्य र संस्कृति बुझाउन सके मात्र सभ्य र समुन्नत राष्ट्र निर्माण गर्न सकिने उहाँको धारणा थियो।
प्रतियोगितात्मक कविता वाचनमा सन्देश दुलाल प्रथम, सबिन तुम्सिङ द्वितीय, झरना अर्याल तृतीय तथा कृतिना तुम्रोकले सान्त्वना स्थान हासिल गरे । प्रतियोगी विद्यार्थीहरू लक्ष्मी फुयाल, मदन पोखरेल, अनु भट्टराई, आशिका राई, डोल्मा तामाङ, प्रीति तुम्बापो, अनिला राई, मिरिम्सा राई, अन्जली तामाङ, समृद्धि काफ्ले, मिलन बयलकोटी र उत्सव बास्कोटाले मातापिताको महानता, जीवनका भोगाइ, समाज र संसारप्रतिको दृष्टिकोणलगायत विभिन्न विषयमा कविता वाचन गरेका थिए।
वि.सं. २००६ सालमा स्थापना भएको उक्त विद्यालयमा हाल कक्षा १ देखि १२ सम्म झन्डै दुई हजार एक सय विद्यार्थी अध्ययनरत रहेको जानकारी दिँदै विद्यालयका प्रधानाध्यापक लक्ष्मीप्रसाद भण्डारीले विद्यार्थीहरूको आन्तरिक प्रतिभा प्रस्फुटन गर्ने तथा पाँचथरका स्रष्टाहरूबिच जमघट गराउने उद्देश्यले कार्यक्रम आयोजना गर्न पाउँदा खुसी लागेको बताउनुभयो।
विद्यालयमा कक्षा १२ मा इन्जिनियरिङ अध्ययनरत न्युमन बास्कोटाले बनाएको कुलपति राईको स्केच मायाको चिनोस्वरूप प्रदान गरिएको थियो। विद्यालय व्यवस्थापन समितिका अध्यक्ष रवीन्द्रकुमार नेम्वाङको अध्यक्षतामा आयोजित कार्यक्रमको सञ्चालन शिक्षक जीवनप्रसाद भण्डारीले गर्नुभएको थियो ।
एक्सप्रेस
सम्बन्धित खबर
रहेनन् वरिष्ठ कलाकार सुनिल थापा
काठमाडौँ । वरिष्ठ कलाकार सुनिल थापाको निधन भएको छ ।
आज बिहान हृदयघातका कारण थापाथलीस्थित नर्भिक अस्पतालमा उनको निधन भएको चलचित्र कलाकार संघका अध्यक्ष मोहन निरौलाले मिडियाबाजीलाई जानकारी दिए ।
थापा लामो समयदेखि नेपाली...
'कविता एन्ड द कप'मा कविहरू !
मिडियाबाजी डटकम काठमाडौँ ।
• बागबजारको युनिटी फुड एन्ड क्याफेमा 'Kavita & the Cup' को तेस्रो शृङ्खला सम्पन्न भयो ।
•यस शृङ्खलामा कविता वाचन ,टिप्पणी र विमर्शको अनौपचारिक आयोजना प्रसिद्ध कवि,आख्यानकार र सम्पाद...
गीतकार श्रीराम राईको तेस्रो गीत ‘छैन क्यारे मेरो लागि दुख्ने मुटु पनि’ सार्वजनिक
तीन साहित्यकारलाई ‘मधुपर्क सम्मान’को घोषणा
काठमाडौँ । गोरखापत्र संस्थानको मासिक प्रकाशन साहित्यिक पत्रिका मधुपर्कले हरेक वर्ष प्रदान गर्दै आएको ‘मधुपर्क सम्मान’को घोषणा गरिएको छ । यस वर्षको ‘मधुपर्क सम्मान’ पद्यतर्फ अग्रज कवि एवं गीतकार यादव खरेललाई र गद्यतर्फ कथाकार भाउपन्थीलाई प्रदान गर्...
गिरीको गजल ऋण लागेपछि !
बाँच्ने भन्दा नि मर्ने , बनाउँछ ऋण लागेपछि
गह भरि आँसु भर्ने, बनाउँछ ऋण लागेपछि
जन्म घर , माया मोह र बुढी आमा छोडेर
रुदैँ खाडीमा झर्ने , बनाउँछ ऋण लागेपछि
घरबारी सुम्पिएको त्यो ज्याद्रो तमसुक सम्...
खाइराइड हास्यव्यङ्ग्य निबन्ध प्रतियाेगिता पुरस्कार समर्पण
मिडियाबाजी डटकम,काठमाडाैँ, २०८२ पुस १३ । नेपाली हास्यव्यङ्ग्य साहित्यको उन्नयन र विकासका लागि हास्यव्यङ्ग्यकार राजेन्द्र कार्कीद्वारा स्थापना गरिएको ‘खाइराइड हास्यव्यङ्ग्य पुरस्कार‘ २०८२ विशेष समाराेहकाे आयाेजना गरी समर्पण गरियाे ।



