सिमराको तनावपछि प्रचण्डको अपिल : हिंसा रोकौँ, संयमता अपनाऔँ

काठमाडौँ । नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’ले बाराको सिमरामा बढ्दो तनाव नियन्त्रणबाहिर नजाओस् भन्दै सबै पक्षलाई उच्च संयमता अपनाउन आग्रह गरेका छन् । बिहीबार सामाजिक सञ्जालमार्फत उनले भने, बाराको सिमरामा हिजोदेखि जारी तनाव र हिंसात्मक घटनाप्रति गम्भीर ध्यानाकर्षण भएको छ । लोकतन्त्रमा राजनीतिक तथा वैचारिक मत भिन्नता स्वाभाविक हुन्छ, तर त्यसलाई हिंसा वा उत्तेजनामा बदल्नु लोकतान्त्रिक संस्कृतिको हिस्सा होइन।

उनले राजनीतिक तथा अभिव्यक्ति स्वतन्त्रताको सम्मान गर्दै सबै दल र नेताहरूलाई निर्बाध रूपमा आवतजावत र सभा सम्मेलन गर्न पाउने वातावरण सुनिश्चित गर्न सरकारको ध्यानाकर्षण गराएका छन् । आगामी निर्वाचन शान्तिपूर्ण र निष्पक्ष रूपमा सम्पन्न होस् भन्ने उद्देश्यले कुनै पनि गतिविधिले नकारात्मक प्रभाव नपारोस् भन्दै उनले सबै पक्षलाई जिम्मेवार र सचेत रहन अपिल गरेका छन् । प्रचण्डले स्थानीय पार्टी संरचनालाई पनि परिस्थितिलाई सामान्य बनाउन सहयोगी भूमिका खेल्न निर्देशन दिएका छन् ।

एक्सप्रेस

सम्बन्धित खबर

आज कांग्रेस केन्द्रीय कार्यसमिति बैठक बस्दै

रुकुमपूर्व । नेपाली कम्युनिष्ट पार्टी नेकपाले रुकुमपूर्वमा ३०औं जनयुद्ध दिवस मनाउँदै छ । जनयुद्धको सुरुआत भएको रुकुमपूर्वमा सहिद तथा बेपत्ता परिवार, घाइते, अपांग र रुकुमेलीसँग जनयुद्ध दिवस मनाउन पार्टीका संयो...