काठमाडौँ  । नेकपा एमालेले प्रतिनिधिसभा निर्वाचनका लागि १४० जनाको नाम तय गरेको छ। कुल १६५ निर्वाचन क्षेत्रमध्ये १४० निर्वाचन क्षेत्रमा उम्मेदवार तय गरेको एमालेले बाँकी उम्मेदवार तोक्ने जिम्मा अध्यक्ष केपी ओलीलाई दिएको छ।

टिकट वितरणमा अध्यक्ष ओलीले एकलौटी गरेको भन्दै पार्टीभित्र असन्तुष्टि चुलिएको छ। अझ टिकट वितरणमा ११ औं महाविधेशनमा आफू विरुद्ध प्रतिस्पर्धा गरेको अधिकांशलाई ओलीले टिकट दिएका छैनन्। उपाध्यक्ष गोकर्ण विष्ट बाहेक आफू विरुद्ध प्रतिस्पर्धा गरेकालाई ओलीले टिकट नदिएपछि पार्टीभित्र असन्तुष्टि चुलिएको हो ।