काठमाडौँ । नेपाली कम्युनिस्ट पार्टी नेकपाका संयोजक पुष्पकमल दाहाल ‘प्रचण्ड’ र सह–संयोजक माधवकुमार नेपालले अशोक राई नेतृत्वको जनता समाजवादी पार्टी जसपासँग पार्टी एकताको प्रस्ताव राखेका छन्। सो प्रस्तावपछि गत बुधबार जसपाको केन्द्रीय समिति बैठक बसेको थियो ।

माओवादी केन्द्र, नेकपा एकीकृत समाजवादी लगायत १० वामपन्थी दलहरूबीच भएको एकता प्रक्रियापछि नेकपा गठन गरेका प्रचण्ड र माधव नेपालले जसपाका अध्यक्ष राईसँग पनि एकीकरणको सम्भावनाबारे पहल अघि बढाएका हुन्। जसपाका संघीय परिषद् अध्यक्ष राजेन्द्र श्रेष्ठका अनुसार, प्रस्तावबारे हालै बसेको बैठकमा छलफल भएको छ। बैठकले वाम शक्तिबीच एकता वा गठबन्धनका विकल्प खुला राख्ने निर्णय गरेको उनले बताए।