काठमाडौँ । निर्वाचन आयोगले प्रतिनिधि सभा उम्मेदवारहरूलाई बैंक खाता खोल्ने काममा ढिलाइ नगर्न ताकेता दिएको छ । आयोगले शुक्रबार आयोजित पत्रकार सम्मेलनमा सबै उम्मेदवारलाई आफ्ना निर्वाचन खर्च पारदर्शी गर्न यही खाताबाट खर्च गर्नुपर्ने भएकाले बाँकी रहेका उम्मेदवारले तुरुन्त खाता खोल्न सचेत हुनुपर्ने जानकारी दिएको छ ।

निर्वाचन आयोगकी सहायक प्रवक्ता सीता पुन श्रीसले सार्वजनिक बिदाका कारण केही उम्मेदवारलाई खाता खोल्न असहज भएको देखिए पनि अब ढिलाइ नगर्न चेतावनी दिएको बताइन् । उनले भने कि बैङ्कहरूले पनि उम्मेदवारलाई खाता खोल्न सहज बनाउने गरी सहजीकरण गर्नुपर्ने आयोगको निर्देशन छ ।