जेनजीको मुखुण्डो ओढेर देश नष्ट गर्नेहरूलाई कारबाही गरियोस् : रविलक्ष्मी चित्रकार

काठमाडौँ । जेनजी आन्दोलनका नाममा निवासमा भएको आगजनीबाट गम्भीर घाइते भएकी पूर्वप्रधानमन्त्री झलनाथ खनालकी पत्नी रविलक्ष्मी चित्रकारले घटनामा संलग्न दोषीहरूलाई कडा कारबाही गर्न सरकारसँग माग गरेकी छन् । उनले अवोधपनको मुखुण्डो ओढेर देश विध्वंस गर्नेहरूलाई छिटो पहिचान गरी सजाय दिनुपर्ने बताएकी छन् ।

भारतमा उपचारपछि स्वदेश फर्किने क्रममा सोमबार त्रिभुवन अन्तर्राष्ट्रिय विमानस्थलमा सञ्चारकर्मीसँग कुरा गर्दै चित्रकारले जेनजीको नाममा हिंसा मच्चाइएको आरोप लगाइन् । उनले आफूले भोगेको घटनालाई हिटलरको ग्यास च्याम्बरसँग तुलना गरिन् । ‘मैले किताबमा पढेको थिएँ, हिटलरको ग्यास च्याम्बर । त्यो ग्यास च्याम्बर म आफैँ परेँ र आज यो गति भयो,’ उनले भनिन्, ‘जेनजी भाइबहिनीहरूको अवोधपनको मुखुण्डो ओढेर जुन देशलाई नष्ट पार्न खोजे, उनीहरूलाई यो सरकारले छिट्टै चिनेर कारबाही गर्नुपर्छ। मेरो यही माग छ ।’

उनले सरकारले तत्काल दोषी पहिचान गरी कानुनी कारबाही गर्नुपर्नेमा जोड दिइन् । यसैबीच, पूर्वप्रधानमन्त्री झलनाथ खनालले पनि घटनाप्रति पीडा व्यक्त गर्दै उपचार प्रक्रिया अझै पूरा नभएको बताए। उनका अनुसार थप उपचार आवश्यक छ । गत भदौमा जेनजी आन्दोलनका क्रममा डल्लुस्थित खनाल दम्पतीको निवासमा आगजनी भएको थियो। घटनामा रविलक्ष्मी चित्रकार गम्भीर घाइते भएकी थिइन् भने घर पूर्ण रूपमा क्षति भएको थियो ।

एक्सप्रेस

सम्बन्धित खबर

सातै प्रदेशमा एमालेसँगको सहकार्य तोड्दै कांग्रेस, नयाँ गठबन्धनको तयारी

काठमाडौँ । नेपाली कांग्रेसले सातै प्रदेशमा नेकपा एमालेसँगको सत्ता सहकार्य अन्त्य गर्ने निर्णय गरेको छ। एमालेसँगको समीकरण तोडेर नयाँ राजनीतिक गठबन्धन निर्माणको दिशामा अघि बढ्ने निष्कर्षमा कांग्रेस पुगेको हो ।

कांग्रेसका एक पदाधिकारीले एमालेसँ...

पूर्व सांसद र मन्त्रीहरू यसपटक नेकपाको समानुपातिक सूचीमा नपर्ने

काठमाडौँ । नेपाली कम्युनिष्ट पार्टी नेकपाले यसअघि प्रतिनिधि सभामा प्रत्यक्ष वा समानुपातिकबाट सांसद बनेका, मन्त्री भइसकेका वा राष्ट्रिय सभा सदस्य रहेका नेताहरूलाई यसपटकको समानुपातिक सूचीमा नराख्ने निर्णय गरेको छ । पार्टीका मुख्यसचिव गणेशमान पुनका अ...

पुराना अनुहारले कांग्रेस संकटमा, नयाँ नेतृत्व अपरिहार्य : उमेश श्रेष्ठ

विराटनगर । नेपाली कांग्रेसका कोषाध्यक्ष उमेश श्रेष्ठले कांग्रेसभित्र अब पूरानो शैली र अनुहारभन्दा नयाँ, पढेलेखेका, उद्यमशील र विषयविज्ञ युवालाई नेतृत्वमा ल्याउनुपर्ने आवश्यकता औंल्याएका छन् । ने...