जेनजी र सरकारबीच सोमबार लिखित सम्झौता हुने

काठमाडौँ । जेनजी आन्दोलनकारीले अघि सारेको मस्यौदालाई अन्तिम रूपमा तयार गरी सोमबार सरकार र जेनजीबीच लिखित सम्झौता गर्ने तयारी भएको छ । आन्दोलनका मुद्दा संस्थागत गर्ने उद्देश्यसहित शुक्रबार जेनजी प्रतिनिधिहरू र प्रधानमन्त्री सुशीला कार्कीबीच प्रधानमन्त्री तथा मन्त्रिपरिषद्को कार्यालयमा मस्यौदामाथि छलफल भएको थियो । कोशी प्रदेश संयोजक उपार्जुन चाम्लिङका अनुसार प्रधानमन्त्रीले मस्यौदा सोमबारसम्ममा टुङ्ग्याउने प्रतिबद्धता जनाएकी छन् ।

चाम्लिङले भने, ‘हाम्रो मस्यौदामा सम्झौता हुन किन ढिलाइ भइरहेको छ भनेर बुझ्न गएका थियौँ । प्रधानमन्त्रीज्यूले सोमबारसम्ममा टुङ्गो लगाउने बताउनुभएको छ।’ गत कात्तिक २८ गते जेनजीका विभिन्न समूहले एकीकृत मस्यौदा तयार गरी सरकारलाई बुझाएका थिए। मस्यौदामा आन्दोलनका शहीद तथा घाइते परिवारलाई अन्तरिम राहत र निःशुल्क उपचारको व्यवस्था गरिएको छ।जघन्य अपराध बाहेकका घटनामा पक्राउ परेकालाई थुनामुक्त गर्ने प्रस्ताव समेटिएको छ। प्रवासी नेपालीको मताधिकारका लागि आवश्यक पूर्वाधार विकास गर्ने एजेन्डा राखिएको छ। दलीय भागबन्डामा हुने नियुक्ति अन्त्य गर्ने प्रावधान छ।प्रत्यक्ष निर्वाचित कार्यकारीबारे देशभर नागरिक भेला गर्ने योजना समेत समावेश गरिएको छ।

प्रधानमन्त्री कार्कीले आफूले सबै पक्षलाई समेत अध्ययन गर्न दिएको बताइन् । मंसिर १ गते नै सम्झौता अपेक्षित भए पनि ढिलाइ भएकाले जेनजी टोली पुनः प्रधानमन्त्री कार्यालय पुगेको चाम्लिङले बताए।

एक्सप्रेस

सम्बन्धित खबर

दोहोरो भूमिकाबाट पछि हटे कांग्रेस, निवर्तमान सांसदहरू अव सर्वोच्च नजाने

काठमाडौँ । प्रधानन्यायाधीश प्रकाशमान सिंह राउतलाई भेटेर संसद् पुनः स्थापनाको रिट पेसीमा चढाउन आग्रह गर्ने नेपाली कांग्रेसका निवर्तमान सांसदहरूले तयारी रोकिएको छ । उनीहरू आज बिहान १० बजे सर्वोच्च गएर पेसीको माग गर्ने योजनामा थिए ।

विघटित प्रत...

शान्तिपूर्ण निर्वाचनको वातावरण बनाउनु अहिलेको प्रमुख आवश्यकताः संयोजक दाहाल

काठमाडौँ । नेपाल कम्युनिष्ट पार्टी माओवादी केन्द्रका महाधिवेशन आयोजक समितिका संयोजक पुष्पकमल दाहाल ‘प्रचण्ड’ ले सुरक्षित र शान्तिपूर्ण रूपमा निर्वाचन सम्पन्न हुने वातावरण निर्माण गर्नु अहिलेको प्रमुख आवश्यकता रहेको बताएका छन् । शुभ दीपावली, नेपाल संव...