नेप्सेमा ९.२३ अंकको वृद्धि, ९ अर्ब माथिको कारोबार

काठमाडौँ । साताको दोस्रो कारोबार दिन नेप्से परिसूचक ९.२३ अंकले बढेर २७१४.६१ को विन्दुमा कायम भएको छ । आज दिनभरिमा ३३२ कम्पनीको १ करोड ९० लाख ७५ हजार ७५६ कित्ता सेयर किनबेच हुँदा ९ अर्ब ७ करोड ३९ लाखको सेयर कारोबार भएको छ । आज १६२ कम्पनीको सेयर मूल्य बढ्दा ८८ कम्पनीको सेयर मूल्य घटेको छ भने १० कम्पनीको मूल्य स्थिर रहेको छ ।

आज अंखु खोला जलविद्युतको सर्वाधिक ४० करोड ८२ लाख रुपैयाँको कारोबार भएको छ । दोस्रोमा मन्जुश्री फाइनान्सको ३५ करोड ९४ लाख रुपैयाँ र तेस्रोमा एसवाई प्यानलको ३२ करोड ९५ लाख रुपैयाँको सेयर कारोबार भएको छ ।