एसईईको परीक्षा केन्द्र निर्धारण गर्न राष्ट्रिय परीक्षा बोर्डको ९ बुँदे निर्देशन
-
मिडियाबाजी
- बिहि, १७ पुस २०८२
काठमाडौँ । राष्ट्रिय परीक्षा बोर्डअन्तर्गतको ‘परीक्षा नियन्त्रण कार्यालय, कक्षा १०’ ले माध्यमिक शिक्षा परीक्षा ९एसईई० २०८२ को परीक्षा केन्द्र निर्धारणका लागि देशभरका शिक्षा विकास तथा समन्वय एकाइलाई ९ बुँदे निर्देशन दिएको छ ।
विगतका वर्षमा परीक्षा केन्द्र निर्धारण तथा परीक्षा केन्द्रमा हाजिरी, उत्तरपुस्तिका व्यवस्थापनलगायतका विषयमा त्रुटि हुँदा नतिजा प्रकाशनमा समस्या तथा केही परीक्षार्थीको नतिजा अवरुद्धसमेत भएकाले परीक्षा केन्द्र निर्धारण गर्दा माध्यमिक शिक्षा उत्तीर्ण परीक्षा सञ्चालन तथा व्यवस्थापन निर्देशिका ९संशोधनसहित० २०६८ मा भएका व्यवस्था कडाइका साथ लागु गर्नरगराउन पुस मसान्तसम्म केन्द्र निर्धारण गर्न ‘परीक्षा नियन्त्रण कार्यालय, कक्षा १०’ ले शिक्षा विकास तथा समन्वय एकाइहरूलाई निर्देशन दिएको छ।
एसईई २०८२ को परीक्षा केन्द्र निर्धारणका सम्बन्धमा विभिन्न जिल्लाबाट सोधनी भएपछि ‘परीक्षा नियन्त्रण कार्यालय, कक्षा १०’ ले यस्तो निर्देशन दिएको हो ।
यस्तो छ एसईईको परीक्षा केन्द्र निर्धारणबारे नौबुँदे निर्देशन :
१. न्यूनतम परीक्षार्थी संख्या हिमाली क्षेत्रमा कम्तीमा १५० जना, पहाडी क्षेत्रमा कम्तीमा २५० जना र तराई/भित्री मधेस/उपत्यकामा कम्तीमा ३०० जनाभन्दा कम र ४०० भन्दा बढी नहुने गरी केन्द्र कायम गर्ने व्यवस्था कडाका साथ कार्यान्वयन गर्ने तर जतिसुकै परीक्षार्थी संख्या भए पनि एक जिल्लामा कम्तीमा एउटा परीक्षा केन्द्र कायम गर्ने
२. उल्लिखित विद्यार्थी संख्याका आधारमा मात्र परीक्षा केन्द्रका लागि रकम उपलब्ध हुने हुँदा सोभन्दा कम विद्यार्थी संख्या रहने गरी केन्द्र कायम भएमा त्यसको सम्पूर्ण व्यवस्थापनमा एकाइ जिम्मेवार हुनुपर्ने छ।
३. आफ्नै विद्यालयका विद्यार्थीहरू ( होम सेन्टर) नपर्ने गरी र पारस्पारिक केन्द्र नहुने गरी केन्द्र निर्धारण गर्ने। एउटा मात्र केन्द्र हुने जिल्लाको हकमा होम सेन्टर कायम गर्न बाधा नहुने र दुईओटा मात्र केन्द्र हुने जिल्लाको हकमा पारस्पारिक केन्द्र हुन सक्ने छ। एउटा विद्यालयका विद्यार्थी मात्र रहने गरी केन्द्र कायम नगरी कम्तीमा दुई वा सोभन्दा बढी विद्यालयका विद्यार्थी सहभागी हुने गरी केन्द्र कायम गर्नुपर्ने छ।
४. तराई/भित्री मधेस/उपत्यकालगायतका सहरी क्षेत्रमा यथा सम्भव एउटा विद्यालयको हरेक वर्ष एउटै परीक्षा केन्द्र नपर्ने गरी केन्द्र निर्धारण गर्ने
५. प्राविधिक धारतर्फका सम्पूर्ण परीक्षार्थीहरूका लागि परीक्षा केन्द्र अलग्गै कायम गर्ने। यसरी केन्द्र कायम गर्दा परीक्षार्थी संख्याको आधारमा प्रत्येक जिल्लाको उपयुक्त स्थानमा एक ओटा र एकभन्दा बढी केन्द्र भएमा विभिन्न पालिकाको केन्द्र पर्ने सुविधायुक्त ठाँउ यकिन गरी क्षेत्रगत रूपमा राख्ने व्यवस्था मिलाउने साथै २०७९ सालका ग्रेडवृद्धि तर्फका (पुरानो प्रश्नपत्रअनुसार परीक्षा दिने) सबै परीक्षार्थीहरूको जिल्ला सदरमुकाममा एउटै परीक्षा केन्द्रमा रहने गरी व्यवस्था गर्ने
६. अपांगता (विशेष क्षमता) भएका परीक्षार्थीहरू (थोरै, १/२ को संख्यामा रहेको अवस्थामा) को हकमा आवश्यक व्यवस्था गरी नजिकको परीक्षा केन्द्रबाट परीक्षा दिने व्यवस्था मिलाई त्यस्ता परीक्षार्थीहरूको उत्तरपुस्तिका छुट्टै प्याकेट बनाई शिक्षा विकास तथा समन्वय एकाइमा बुझाउने र शिक्षा विकास तथा समन्वय इकाइले त्यस्ता उत्तरपुस्तिका सम्बन्धित विद्यालयको परीक्षा केन्द्रको सम्बन्धित विषयको प्याकेटमा राख्ने व्यवस्था गर्ने। तर एउटै विद्यालयबाट वा एउटै परीक्षा केन्द्रमा पर्ने विद्यालयहरूमा धेरैको संख्यामा त्यस्ता परीक्षार्थीहरू रहेको वा स्रोत कक्षा रहेको खण्डमा परीक्षार्थीहरूलाई पायक पर्ने गरी सोही परीक्षा केन्द्र मातहतमा सम्बन्धित विद्यालयमा उपकेन्द्र कायम गरी परीक्षा सञ्चालन गर्ने व्यवस्था मिलाउन सकिने
७. कतिपय जिल्लाहरूबाट पालिकागत रुपमा केन्द्र कायम गर्ने विषयमा सोधनी हुने गरेको सन्दर्भमा विद्यार्थीहरूको सुविधा, परीक्षाको मर्यादा र निष्पक्षतामा सुनिश्चितता, परीक्षा सञ्चालन र व्यवस्थापनमा सहजता हुने तथा निर्विवाद ढङ्गबाट सहमती कायम हुने अवस्था रहेमा उल्लिखित विद्यार्थी संख्यामा नघट्ने गरी समन्वयात्मक ढंगबाट पालिकागत रूपमा समेत केन्द्र निर्धारण गर्न सकिने
८. विद्यार्थीहरूले तोकिएकै परीक्षा केन्द्रबाट परीक्षा दिनुपर्ने छ। तोकिएको परीक्षा केन्द्रबाहेक अन्य केन्द्रबाट परीक्षा दिएमा निजको परीक्षा रद्द हुन सक्ने छ।
९. केन्द्र निर्धारण तथा परीक्षा सञ्चालन र व्यवस्थापनसम्बन्धी अन्य विषयहरू माध्यमिक शिक्षा उत्तीर्ण परीक्षा सञ्चालन तथा व्यवस्थापन निर्देशिका (संशोधनसहित) २०६८ मा व्यवस्था भएबमोजिम हुने छ।
द्रष्टव्य : केन्द्र सिफारिस गर्दा अनिवार्य रूपमा केन्द्र नम्बर, परीक्षा केन्द्र विद्यालयको विद्यालय कोड नम्बरअन्तर्गतका विद्यालयको विद्यालय कोड नम्बर, केन्द्राध्यक्ष्यको नाम, सम्पर्क मोबाइल नम्बर र इमेल एड्रेस संलग्न गर्नुहुन अनुरोध छ।
सम्बन्धित खबर
सैपाल केन्द्रविन्दु भएर गयो भूकम्प
बाजुरा । बझाङको सैपाल आसपास केन्द्रविन्दु भएर भूकम्प गएको छ । छिमेकी जिल्ला बझागको सैपाल हिमालमा केन्द्रविन्दु बनाएर आइतबार मध्यान्ह १२ बजेर ९ मिनेट जाँदा चार दशमलव चार रेक्टरस्केलको भूकम्प गएको भूकम्प मापन केन्द्र सुर...
ट्रक दुर्घटनामा ५ मजदुरको मृत्युपछि स्थानीयद्वारा बर्जुमा सडक अवरुद्ध
काठमाण्डौँ । माघे संक्रान्तिको बिहानै सुनसरीको भोक्राहानर्सिङमा भएको ट्रक दुर्घटनामा परी ५ जना मजदुरको मृत्यु भएको छ । दुर्घटनापछि आक्रोशित स्थानीयले सुनसरीको बर्जुमा टायर बालेर सडक अवरुद्ध गरेका छन् । आफ्नै वडाका ५ जनाको अकालमा मृत्यु भएपछि बर्जु...
कोरला नाकामा व्यापारिक चहलपहल बढेपछि बेँसीमा झरेनन् माथिल्लो मुस्ताङी
मुस्ताङ । अघिल्लो वर्षसम्म यतिबेला माथिल्लो मुस्ताङ लगभग मानवविहीन अवस्थामा हुन्थ्यो। हिउँदयामको कात्तिक अगावै माथिल्लो मुस्ताङका अधिकांश नागरिक जाडो छल्न र घुम्ती व्यापार–व्यवसाय चलाउन बेँसीमा झर्दथे । माथिल्लो...
आज विश्व सहरीकरण दिवस मनाइँदै
काठमाडौँ । आज विश्वका विभिन्न मुलुकमा विश्व सहरीकरण दिवस मनाइँदै छ । हरेक वर्षको अक्टोबर ३१ को दिन विश्वभरि सहरीकरण दिवस मनाइन्छ। सन् २०१४ देखि यो दिवस मनाउन सुरु गरिएको हो। सहरको दिगो विकास र सहकार्यको सन्देश प्रवाह ग...
गुरुङ समुदायले आज तमु ल्होसार पर्व मनाउँदै
काठमाडौँ । गुरुङ समुदायले पुरानो वर्षलाई बिदाइ गरी नयाँ वर्षलाई स्वागत गरेर आज तमु ल्होसार पर्व मनाउँदैछन् । ल्हो को अर्थ ‘वर्ष’ र ‘सार’को अर्थ फेरिनु भएकाले वर्ष फेरिने दिनलाई ‘तमु ल्होसार’ भनिएको हो। तमु ल्होसारलाई गुरुङ समुदायले नयाँ वर्षका रूप...
आयोगले लियो पूर्वमहानिरीक्षक खापुङको बयान
काठमाडौँ । भदौ २३ र २४ गते भएका घटनाको छानबिनका लागि गठित जाँचबुझ आयोगले तत्कालीन प्रहरी महानिरीक्षक चन्द्रकुबेर खापुङको बयान लिएको छ । आयोगले बिहीबार सिंहदरबारमा खापुङसँग बयान लिएको हो । उनीमाथि २३ भदौमा अत्यधिक बल प्रयोग गरेको र २४ गते सार्वजनिक...