काठमाण्डौँ । भारतका ७ वर्षीय तेगबीर सिंहले ५,४१६ मिटर उचाइको थोरङ्ला पास पार गर्दै संसारकै कान्छा पदयात्रीमध्ये एकको कीर्तिमान बनाएका छन् । अप्रिल ११ मा सुरु भएको यात्रा १८ मा पूरा गर्दै उनले कडा चिसो र कम अक्सिजनबीच २३० किमि पदयात्रा सफलतापूर्वक सम्पन्न गरे । उनलाई न थकान भयो, न लेक लाग्ने समस्या । 

यसअघि किलिमन्जारो, एल्ब्रस र एभरेष्ट बेस क्याम्प पुगिसकेका तेगबीरको सफलताले नेपाललाई सुरक्षित साहसिक गन्तव्यका रूपमा थप चिनाएको छ ।