एमालेका ३ चर्चित नेता : केन्द्रीय सदस्यमा पनि पराजित

काठमाडौँ । नेकपा एमालेको ११औँ महाधिवेशनमा नेकपा एमालेको ११औँ महाधिवेशनमा ३ चर्चित नेताहरू पदाधिकारीसँगै केन्द्रीय सदस्यमा पराजित भएका छन् । महासचिवमा प्रतिस्पर्धा गरेका सुरेन्द्र पाण्डे पराजित भए । उनी केन्द्रीय सदस्यमा पनि निर्वाचित हुन सकेनन् । पाण्डे शंकर पोखरेलसँग महासचिवमा पराजित भएका थिए ।

उपाध्यक्षका उम्मेदवार गुरु बराल र उपमहासचिवमा उम्मेदवार विष्णु रिमाल पनि केन्द्रीय सदस्य पदमा पराजित भएका छन्। उपाध्यक्षमा पराजित हुने बराल अध्यक्ष केपी ओलीको प्यानलका एकमात्र सदस्य हुन् । केन्द्रीय सदस्यको मतपरिणाममा बरालले ७५४ मत र रिमालले ६३० मत प्राप्त गरेका छन्।

यसपटक पदाधिकारी टिममा ८ जना नयाँ अनुहार रहेका छन् । उपाध्यक्षमा रघुजी पन्त र सात जना सचिवहरू(भानुभक्त ढकाल, खगराज अधिकारी, यामलाल कँडेल, राजन भट्टराई, शेरधन राई, हिक्मत कार्की र महेश बस्नेत पहिलोपटक टिममा प्रवेश गरेका छन्।