जेनजी आन्दोलनमा लुटिएको इन्सास राइफलसहित कास्कीबाट २ जना पक्राउ

काठमाण्डौँ । कास्की प्रहरीले चुनावकै मुखमा जेनजी आन्दोलनको क्रममा लुटिएको इन्सास राइफलसहित २ जनालाई पक्राउ गरेको छ । कास्की प्रहरी प्रवक्ता डीएसपी हरिबहादुर बस्नेतका अनुसार भदौ २४ गते प्रहरी कार्यालयबाट लुटिएको सो इन्सास पोखरा २, भीमसेन टोलको एउटा घरको दाउराको खलियाँमा भेटिएको हो ।

हतियार लुट्ने कार्यमा संलग्न भएका महोत्तरी स्थायी घर भइ हाल पोखरा ९ नयाँबजार बस्ने वर्ष १८ को रवि चौधरी र भारत घर भइ हाल पोखरा २ अर्चलबोट बस्ने १८ वर्षीय राज कुमारलाई नियन्त्रणमा लिएर हतियार तथा खरखजना मुद्दा चलाइएको पनि प्रहरीको भनाइ छ । हतियार लुटेपछि उनीहरूले पोखरा २ भीमसेन टोलमा रहेको इन्द्रबहादुर भारीको दाउराको खलियाँमा लुकाएको अनुसन्धानबाट खुलेको पनि प्रहरीको भनाइ छ ।

एक्सप्रेस

सम्बन्धित खबर

मन्त्रिपरिषद् बैठकका ६ निर्णय केके हुन् ?

काठमाडौँ । सरकारले वित्तीय क्षेत्र विकास रणनीति २०८२,०८३ देखि २०८६,०८७ स्वीकृत गर्ने निर्णय गरेको छ । आजै बसेको मन्त्रिपरिषद् बैठकले वित्तीय क्षेत्र विकास रणनीति स्वीकृत गर्ने निर्णय गरेको हो ।

यस्ता छन् निर्णयहरू

– अन्तर्राष्ट्रिय एकी...