काठमाडौँ । निर्वाचन आयोगमा दर्ता हुने दलको संख्या १४३ पुगेको छ । आगामी फागुन २१ गतेका लागि घोषित प्रतिनिधिसभा निर्वाचनका लागि निर्वाचन आयोगले सुरुमा मंसिर १ देखि १० गतेसम्म दल दर्ताको लागि निवेदन दिने समय छुट्याएको थियो । त्यसपछि आयोगले चार दिन समय थपेको थियो। थपिएको समय पनि आइतबार सकिएको छ। यो अवधिमा आयोगमा २५ वटा नयाँ दल दर्ता भएका छन् ।

नयाँ दर्ता भएका २५ सँगै आयोगमा यसपटक एकसय १९ दल दर्ता भएका छन् । नयाँ र पुरानासँगै निर्वाचन आयोगमा दर्ता भएका दलको संख्या १४३ पुगेको छ । दल दर्ताका लागि एकसय २० दलले निवेदन दिए पनि ११९ दल दर्ता भएका निर्वाचन आयोगका प्रवक्ता नारायणप्रसाद भट्टराईले जानकारी दिए । अब निवेदनको छानबिनपछि २० मंसिरमा दर्ता भएका दलहरुको अन्तिम सूची प्रकाशन गरिने आयोगले जनाएको छ ।