जेनजी आन्दोलनको घटनामा ओली नेतृत्वको सरकार दोषी : एमाले उपाध्यक्ष पाण्डे

काठमाडौँ । नेकपा एमालेका उपाध्यक्ष सुरेन्द्र पाण्डेले जेनजी आन्दोलनको क्रममा २३ गते भएको घटनाको जिम्मेवारी तत्कालीन सरकारले लिनुपर्ने बताएका छन् । चितवनमा पत्रकारहरूसँग कुरा गर्दै उनले तत्कालीन प्रधानमन्त्री तथा एमाले अध्यक्ष केपी शर्मा ओलीको गोली कसले चलायो भन्ने थाहा छैनुभन्न गलत रहेको जिकिर गरे ।

एमालेका उपाध्यक्ष पाण्डेले पार्टी सरकारमा रहँदा भएको उक्त घटनाले ठूलो दाग लगाएको स्वीकार गर्दै छानबिनमा पूर्ण सहयोग गर्नुपर्ने धारणा व्यक्त गरे। ुएमालेले जिम्मेवारी लिने हो भने माओवादी कार्यकर्ताजस्तै त्रासमा बस्नुपर्ने अवस्था आउँदैन, उनले भने। उनका अनुसार जेनजी आन्दोलन एमालेको आन्तरिक कमजोरीको परिणाम हो। पार्टी र सरकारका संयन्त्रहरू यति ठूलो आन्दोलनको पूर्वसूचना पाउन नसक्नु आफैँमा गम्भीर कमजोरी भएको उनको भनाइ छ ।

साथै, पाण्डेले फागुन २१ गते निर्वाचन सम्पन्न गर्न कठिन हुने बताए । चुनावको मनोविज्ञान बनेको छैन, सरकारको तयारी पर्याप्त छैन, तर निर्वाचन नहुनु देशलाई झन् अनिश्चिततामा धकेल्नेछ।

• बुध, २६ कात्तिक २०८२