मिडियाबाजी डटकम काठमाडौँ , माघ ७ । अमेरिकाका नवनिर्वाचित राष्ट्रपति डोनाल्ड ट्रम्पले आज पदभार ग्रहण गर्दैछन् । यसअघि उनले आजै शपथ ग्रहण गर्नेछन् ।
शपथग्रहण समारोहमा विश्वका राष्ट्र प्रमुखहरु सहभागी हुनेछन् । शपथअघि उनले अमेरिकाको वाशिंगटन डीसीको रंगशालामा आफ्नो विजय र्यालीमा समर्थकहरूलाई सम्बोधन गरेका छन् । आफ्नो राष्ट्रपति पदको पहिलो दिनमा धेरै कार्यकारी आदेशहरूमा हस्ताक्षर गर्ने योजना बनाएको बताउँदै उनले आफनो कार्यकालमा अमेरिकी जनताको हितका लागि काम गर्ने प्रतिवद्धता व्यक्त गरे ।
ट्रम्पले आफ्नो नयाँ सल्लाहकार निकाय, डोगे सरकारी दक्षता विभागको प्रचार गर्दै गर्दा एलोन मस्कले पनि छोटो सम्बोधन गरेका छन् । राष्ट्रपतिको शपथका लागि आज वाशिङटन डीसीमा भव्य तयारी गरिएको छ । जसमा हजारौं ट्रम्पका समर्थकहरू भेला भएका छन् ।
