मिडियाबाजी डटकम काठमाडौँ , मंसिर ११ । राष्ट्रिय स्वतन्त्र पार्टी (रास्वपा)का नेताविरुद्ध अदालतको अवहेलनासम्बन्धी मुद्दाको पेसी तोकिएको छ । न्यायाधीशद्वय मनोजकुमार शर्मा र नृपध्वज निरौलाको संयुक्त इजलासमा पेसी तोकिएको हो ।
अधिवक्ता अनुपम भट्टराईले दर्ता गराएको अदालतको अवहेलनासम्बन्धी निवेदनको पेसी छ नम्बरमा रहेको छ । निवेदनमा राष्ट्रिय स्वतन्त्र पार्टीका केन्द्रीय नेता स्वर्णिम वाग्ले, प्रवक्ता मनिष झा, सुमना श्रेष्ठ, अशोककुमार चौधरी, विराजभक्त महर्जन, तोसिमा कार्की, असिम शाह, गणेश पराजुली र सोविता गौतमलगायतलाई विपक्षी बनाइएको छ ।
