मिडियाबाजी डटकम काठमाडौँ , भाद्र ९ । झापामा एक १६ वर्षीय किशोरीमाथि एकै रात ठाउँ सार्दै सामुहिक बलात्कार गरिएको छ । बलात्कारको आरोपमा ६ जना पक्राउ परेका छन् । । प्रहरीका अनुसार घटना शुक्रबार रातिको हो ।
पक्राउ पर्नेमा अर्जुनधारा नगरपालिका–५ का १९ वर्षीय अनिष लिम्बू, अर्जुनधारा–८ का ३४ वर्षीय सरोज राई र २५ वर्षीय केशव मगरलाई पक्राउ गरेको छ । अर्जुनधारा ७ कै लंका राजवंशी, २० वर्षीय सुदीप श्रेष्ठ, सुजन डाँगी छन् । घटनामा संलग्न एक जना फरार रहेको जिल्ला प्रहरी कार्यालयले जानकारी दिएको छ बालिकाले शनिबार जाहेरी दिएपछि प्रहरीले घटनामा संलग्नमध्ये ६ जनालाई पक्राउ गरेको हो ।
शुक्रबार राति भएको एउटा घटनामा ३ र अर्को घटनामा ४ जनाको संलग्नता देखिन्छ । दुवै घटनामा संलग्नमध्ये प्रहरीले ६ जनालाई पक्राउ गरेको झापाका प्रहरी उपरीक्षक मिलन केसीले जानकारी दिएका छन् । प्रहरीका अनुसार अर्जुनधारा ८ को नयाँ बजारमा हटिया लाग्ने स्थानको फलैँचा र त्यसपछि होटलमा लगेर बलात्कार गरिएको पाइएको छ । बालिकालाई घुम्न जाने भन्दै बोलाएर राति साढे ८ बजे हटिया लाग्ने स्थान र त्यसपछि करिब ११ बजे होटलमा पुर्याइएको अनुसन्धानमा देखिएको प्रहरीले बताएको छ ।
अनिश, सरोज र केशवले सुरुमा हटियामा करणी गरेको प्रहरीको दाबी छ । त्यसपछि अर्जुनधारा–७ स्थित लंका होटल एन्ड रिसोर्टमा बालिकालाई लगिएको थियो । होटलमा होटल मालिकसहित चार जना कामदारले करणी गरेको देखिएको प्रहरीले जनाएको छ । होटल सञ्चालक राजवंशी हुन् । सुदीप, सुजन र सञ्जीव होटलका कामदार हुन् । होटलका अर्का कामदार फरार छन् । बलात्कारबाट पीडित भएकी बालिकाको अवस्था सामान्य रहेको प्रहरीले बताएको छ । पक्राउ परेकाविरुद्ध जबरजस्ती करणी मुद्दा चलाउन आज म्याद थप गर्ने प्रहरीको तयारी छ ।
