मिडियाबाजी डटकम काठमाडौँ आषाढ २७ । कोलम्बिया कोपा अमेरिकाको फाइनलमा पुगेको छ । जारी कोपा अमेरिकाको सेमिफाइनलमा उरुग्वेलाई १-० गोल अन्तरले पराजित गर्दै प्रतियोगिताको फाइनलमा पुगेको हो । कोलम्बियाका लागि खेलको ३९औं मिनेटमा जेफेरसन लेर्माले गरेको गोल नै खेलको निर्णायक गोल बनेको थियो ।
यस खेलमा पहिलो हाफको इन्जुरी समयमा कोलम्बियाका डानियल मुन्जोले रातो कार्ड पाएपछि कोल्मबिया दोस्रो हाफ १० खेलाडीमा खेलेको थियो ।
योसँगै कोलम्बियाले फाइनलमा र्जेन्टिनाको सामना गर्ने छ । फाइनल खेल आइतबार बिहान नेपाली समयअनुसार ५ः४५ बजेदेखि सुरु हुनेछ ।
