मिडियाबाजी डटकम काठमाडौं,कार्तिक २० । लोकगायिका तीर्थकुमारी थापा एकल साँझमा गुञ्जने भएकी छन् ।
आइतबार काठमाडौंमा एक कार्यक्रम आयोजना गर्दै एकल साँझको बारेमा जानकारी दिइएको हो। यही मंसिर ८ गते राष्ट्रिय नाचघर जमलमा तीर्थकुमारी स्वर्णिम साँझ २०८० हुनेछ ।
अन्नपुर्ण चेम्बर अर्केस्टाले आयोजना गर्न लागेको कार्यक्रमको काठमाडौं प्रज्ञा कुञ्ज स्कुल र तुलसी भक्त कन्ट्रक्सन प्रालि सहआयोजक रहेका छन् ।
५ दशकबढी समयदेखि नेपाली लोकगीतमा निरन्तर लागिरहेकी तीर्थकुमारीले पहिलोपटक एकल साँझमा प्रस्तुति दिन लागेकी हुन् । एकल साँझमा उनले म त खादिनँ कुवाँको पानी, ढुंगे बगर माया, झम्के फूली नाकैमा बुलाकी, उकालीमा पनि हजुर मोटर जादो रैछ, बारीको डिलमा ओखरबोट, माछी मार न हे दाइ होु लगायत २ दर्जन गीतमा प्रस्तुति दिनेछिन् ।
