मिडियाबाजी डटकम काठमाडौँ, आश्विन १९ । विश्वकप फुटबल २०२६ अन्तर्गत एसिया क्षेत्रतर्फको पहिलो चरणको छनोट खेलमा नेपालले यही असोज २५ गते लाओससँग प्रतिस्पर्धा गर्ने भएको छ ।
अखिल नेपाल फुटबल संघ एन्फाले आज शुक्रबार काठमाडौंमा पत्रकार सम्मेलन गर्दै एसिया क्षेत्रतर्फको पहिलो चरणको छनोट खेल असोज २५ गते नेपाल र लाओसबीच दशरथ रंगशालामा हुने जानकारी दिएका हुन् । फिफा वरियतामा लाओस १८६औं स्थानमा रहेको छ भने नेपाल १७५औं स्थानमा रहेको छ ।
