मिडियाबाजी डटकम काठमाडौं । दशैंका लागि शनिबार (असोज १ गते) देखि अग्रिम टिकट बुकिङ खुल्दैछ । भदौ २२ गते यातायात व्यवस्था विभाग, सडक विभाग, काठमाडौं उपत्यका ट्राफिक प्रहरी कार्यालय र यातायात व्यवसायी राष्ट्रिय महासंघको संयुक्त बैठकले असोज १ गतेदेखि अग्रिम टिकट बुकिङ खुला निर्णय गरेको थियो ।
सोही अनुरुप दशैंमा घर जाने यात्रुहरूले शनिबारदेखि टिकट बुकिङ गर्न पाउनेछन् । अनलाइनबाट पनि टिकट बुकिङ गर्न सकिने छ । दशैंमा घर जानका लागि यात्रुहरूका लागि सहज होस् भनेर वर्षेनी दशैंअघि नै अग्रिम टिकट बुकिङ खुल्ने गरेको छ ।
