मिडियाबाजी डटकम काठमाडौं,श्रावण ३१। काठमाडौंको फोहोर फाल्न स्थानीयले अवरोध गरेपछि बञ्चरेडाँडामा प्रहरीले हवाई फायर गरेको छ। स्थानीयलाई सम्झाउँदा पनि नमानेपछि र प्रहरीमाथि ढुंगामुढा गरेपछि पाँच राउन्ड हवाई फायर गरेको जिल्ला प्रहरी परिसर काठमाडौंका प्रहरी उपरीक्षक दिनेशराज मैनालीले मिडियाबाजीलाई जानकारी दिए।
‘हामीले माइकिङ गरेर स्थानीयलाई सम्झाउन खोज्यौं, तर मानेनन्। हामीमाथि अत्याधिक ढुंगामुढा गरेपछि पाँच राउन्ड हवाई फायर गरिएको छ,’ उनले भने। मंगलबार दिउँसो काठमाडौंबाट लगिएको फोहोरका गाडीलाई स्थानीयले रोकेका छन्। फोहोरका गाडीलाई अवरोध पुर्याएपछि प्रहरीको सुरक्षा घेराबीच बञ्चरेडाँडामा फोहोर फाल्ने गरिएको छ।
