मिडियाबाजी डटकम काठमाडौँ ,माघ १७। सोनाम ल्होछार पर्वको अवसरमा धादिङ जिल्ला थाक्रे गाउँपालिका वडा नं ३ मा ‘बृहत् ल्होछार कार्यक्रम’ हुने भएको छ ।
कार्यक्रममा विश्व शान्ति पूजा सांस्कृतिक कार्यक्रम तथा रक्तदान कार्यक्रम हुने भएको हो । कार्यक्रममा प्रमुख रुपमा अतिथि नेपाल तामाङ घेदुङ् केन्द्रिय सल्लाहकार सदस्य तथा पूर्व कानून मन्त्री शेर बहादुर तामाङ विशेष अतिथिको रुपमा नेपाल तामाङ घेदुङ्का केन्द्रिय सचिव बिना मन्फा र पालिका अध्यक्ष रामकुमार आचार्यको उपस्थिति रहनेछ साथै कार्यक्रमलाई थप मनोरञ्जन बनाउन गायिका रजनी तामाङ , गायक उत्सव लामा इन्द्र तामाङ , सबिना तामाङ ,राज गोम्जारोनिस पाखृन तामाङ र साथमा स्थानीय कलाकारहरू मुल लामा ,साम्दुप घलान लामा लगायतको प्रस्तुति दिनेछन् ।
कार्यक्रम यही माघ १९ गते थाक्रे -३ ,मल्डुङ खेलमैदानमा हुने आयोजक प्रगतिशील युवा क्लबका निकेश तामाङले मिडियाबाजी डटकमलाई जानकारी दिए।
