मिडियाबाजी डटकम काठमाडौँ, वैशाख ६। नेपाल बार एसोसिएसनका नवनियुक्त अध्यक्ष प्राध्यापक डाक्टर विजयप्रसाद मिश्रले वकिलहरूको दलीय सदस्यता खारेजीका लागि अध्यक्षका प्रतिद्वन्द्वी रहेका वरिष्ठ अधिवक्ता रमन श्रेष्ठलाई सर्तसहित प्रस्ताव गरेका छन् ।
चुनावी प्रचारप्रसारका क्रममा माओवादीनिकट व्यावसायिक कानून व्यवसायी समूहका वरिष्ठ अधिवक्ता श्रेष्ठले मिश्रलाई सरकारी उम्मेदवारका रूपमा टिप्पणी गरेका थिए । वकिलले गर्ने काम राष्ट्रिय सम्मेलनबाट पारित प्रस्ताव कार्यान्वयन गर्ने,’ उनले श्रेष्ठलाई चुनौती दिँदै भने, ‘तपाईँ तयार हो भने भन्नुस् हामी प्रस्ताव पास गर्दिन्छौ । हामी सबै राजनीतिबाट मुक्त हुन्छौँ ।’गएको चैत २२ गते सम्पन्न बारको निर्वाचनमा नेकपा एमाले र नेपाली कांग्रेस निकट कानून व्यवसायीको प्यानल लोकतान्त्रिक, प्रगतिशील, पेसागत, राष्ट्रवादी एवम् समावेशी कानून व्यवसायी समूहका मिश्र अध्यक्षमा विजयी भएका थिए । नयाँ नेतृत्वलाई सत्तानिकट दलहरूको गठबन्धनबाट निर्वाचित भएको आरोप लागेकोमा त्यसरी नहेरिदिन समेत उनले अनुरोध गरे । उनले यसअघि पनि बारमा राजनीति हुने गरेको बताउँदै आफूलाई राजनीतिक व्यक्तिको रूपमा नहेर्न आग्रह गरे । शनिबार पदभार ग्रहण गर्दै उनले बारमा कहिले बालुवाटार र कहिले सत्तारुढ दलहरू लागेको भनी हल्ला फैलाइएको भन्दै आफूहरू दलीय सदस्यता खारेजीका लागि तयार रहेको बताए ।
‘म मेरा मित्र रमनकुमार श्रेष्ठलाई मेन्सन गरेर भन्न चाहन्छु । तपाईं राजनीति सबै वकिललाई छोडाउन चाहनुहुन्छ भने हामी एउटा प्रस्ताव राख्छौँ बार एसोसिएसनबाहेक नेपालका सबै दलीय सदस्यता र अन्य सदस्यता खारेज गर्ने र वकिलको सदस्यता नेपाल बार एसोसिएसन हो । वकिलको विधान बारको विधान हो । ‘बारको निर्वाचनको दौरान हामीलाई सरकारी, बालुवाटार के के भनियो, त्यसको म खण्डन गर्छु,’ उनले भने, ‘बारमा राजनीति सधैँ भइआएकै छ । गणेशराज शर्मा बारमा धेरै राजनीति भयो म कहिल्यै पाइला टेक्दिनँ भन्दै हिँडेको हाम्रै आँखाले देखेको हो।’उनले बार एसोसिएसनसँग छलफल नगरी न्यायाधीश नियुक्ति नगर्न पनि खबरदारी गरे ।
शनिबार नेपाल बार एशोसिएशनको आयोजनामा वार्षिक साधारण सभा ९२०८०/८१० तथा पदभार हस्तान्तरण कार्यक्रम सम्पन्न भएको हो। गत फागुन २२ गते सम्पन्न बारको निर्वाचनमा मिश्रसहितको प्यानल निर्वाचित भएको थियो । उनले बारलाई कमजोर पार्ने अभिव्यक्ति सह्य नहुने बताए । प्रधान न्यायाधीश र न्यायाधीशहरूले अर्को वकिलको जमात पनि राखिएको भन्ने गरेको गरिएको बताउँदै बार वकिलहरूको संगठन हो भनेर आफूहरूले प्रमाणित गर्ने बताए ।
