मिडियाबाजी डटकम काठमाडौँ , पौष २८ । नेपाली बजारमा साताको पहिलो दिन आइतबार सुन,चाँदीको मूल्य बढेको छ । आज सुन प्रतितोला १ हजार ६ सय तथा चाँदी १५ रुपैयाँले बढेको हो ।
आइतबार छापावाल सुनको मूल्य प्रतितोला १ लाख ५५ हजार ७ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । गत शुक्रबार छापावाल सुन प्रतितोला १ लाख ५४ हजार १ सय रुपैयाँमा कारोबार भएको थियो । त्यस्तै, गत शुक्रबार चाँदी प्रतितोला १ हजार ८४५ रुपैयाँमा कारोबार भएको थियो । आज १५ रुपैयाँ बढेर चाँदी प्रतितोला १ हजार ८६० रुपैयाँमा कारोबार भइरहेको महासंघले जनाएको छ ।
