मिडियाबाजी डटकम काठमाडौँ, फागुन २५। नेपाल ग्रामीण पुनर्निर्माण संस्था (आर. आर.एन. )मार्फत देशका विभिन्न जिल्लामा आधुनिक कृषिका लागि अभियान चलाउँदै आएका डा. रत्नबहादुर कार्की सम्मानित भएका छन् ।
उनलाई आफ्नै गृहजिल्ला दोलखाको जफे-झुले सुतार कार्की सरोकार समाजले भर्खरै विद्यावारिधि सम्पन्न गरेका डा. रत्नबहादुर कार्कीलाई यो सम्मान दिएको हो ।
कार्यक्रम सुतार कार्की सेवा-समाजको केन्द्रीय अध्यक्ष श्री दिव्यध्वज कार्कीको अध्यक्षतामा संचालन भएको थियोे । सो कार्यक्रममा समाजसेवी वसन्तराज कार्की, देवराज कार्की , पूर्व प्रशासक शिव कार्की / अवकाशप्राप्त ब्रिगेडियन जनरल विजयध्वज कार्की लगायतले डा. कार्कीलाई बधाई तथा शुभकामना दिएका थिए । डा. कार्कीले चेक रिपब्लिक विश्वविद्यालयको फ्याकल्टी अफ एग्रीकल्चर एण्ड टेक्नोलोजीबाट ‘नेपालको पहाडी क्षेत्रमा दीगो कृषिको संभावना’ विषयमा विद्यावारिधि [ पीएचडी ] पूरा गरेका हुन् ।
सम्मान कार्यक्रममा डा.कार्कीले अलिक भावुक हुँदै – आफू स्वदेशमै रहेर कृषि क्षेत्रलाई स्तरोन्नतिका लागि केही गर्ने अठोट बोकेकाले विद्यावारिधि केही समय ढिलो भएको बताउनु भयो । कार्की कुलमा जन्मिएर डा. कार्कीले गर्नुभएको प्राज्ञिक कर्म र स्वदेशमै रहेर कृषि क्षेत्रमा पुर्याउनु भएको निस्वार्थ सेवाको प्रशंसा गर्दै यो सम्मान प्रदान गरिएको हो ।
कार्यक्रममा युवा गायक नवीन कार्की, डा. प्रेरणा भट्टराई कार्की, कवि तथा निबन्धकार श्रीबाबु कार्की, गजलकार जीत कार्की समाजसेवी तथा राजनीतिकर्मी भवेन्द्र कार्की लगायत कार्की परिवारका विभिन्न क्षेत्र र तहका व्यक्तिहरूको समेत उपस्थिति रहेको थियोे ।
