मिडियाबाजी डटकम काठमाडौँ,साउन १६। नेपाली महिलाहरूको महान पर्व तिज नजिकिँदै जाँदा दिन–दिनै नयाँ तिजगीतहरू सार्वजनिक भइरहेका छन् । यसैक्रममा सञ्चारकर्मी कार्यक्रम संचालिका,मोडल तथा गायिका बिष्णु माया पौडेलको “साथी” बोलको तिज गीत सावर्जनिक भएको छ ।
बिष्णुमाया पौडेल युटुब च्यानलबाट पशुपति कोटिहोमबाट बाल योगेश्वर श्री बिजय कृष्णमुर्ति महाराजको बाहुलीबाट गित बजाएर भिडियो सार्वजनिक गरिएको हो।सार्वजनिक गरिएको “साथी गित “सँगै उपस्थित भक्तजनहरू छमछमी नाचेर खुशी भएका थिए।गायिका तथा सन्चारकर्मी बिष्णुमाया पौडेलले भिडियोबाट आउने सम्पूर्ण आम्दानी मानव सेवा फाउन्डेसन नेपाललाई हस्तान्तरण गर्ने बताउनु भएको छ।छोरी घर र मामाघरलाई सहयोग गर्ने उदेश्यले भएको कोटिहोम कार्यक्रममा आफ्नो तर्फबाट पनि सहयोग गर्न पाउदा गायिका बिष्णुमाया पौडेलले खुशी व्यक्त गर्नु भयो।
हेर्नुहिस् गीतको भिडियो:-
सोही अवसरमा मानव फाउन्डेसन नेपालले कोटिहोममा साथी गितका मुख्य टिमलाइ सम्मान गरेकोछ।सम्मानित हुनेहरूमा गायिका बिष्णुमाया पौडेल ,वरिष्ठ इडिटर टेकेन्द्र शाह,छायांकार रामकुमार केसि ,मोडल सुस्मा सिंह ,ज्योतिष डा.राजकुमार सुवेदी,टोखा नगरपालिका वडा २ का अध्यक्ष धर्मेन्द्र श्रेष्ठ रहेका छन्। बिष्णुमाया पौडेलको शब्द रहेको गीतमा समिक्षा अधिकारी र बिष्णुमाया पौडेलको स्वर रहेकोछ भने भिडियोमा चर्चित मोडल आभा थापा र सुस्मा सिंहको नृत्य तथा अभिनय रहेको छ। गीतमा आर .बी. केसिको म्युजिक /निर्देशन अत्यन्त उत्कृष्ट देख्न सकिन्छ जुन गीतको एरेन्ज कृष्ण बाजुरालीको रहेको छ भने नृत्य निर्देशन दिपेश एस के को रहेको छ।
